"უკეთესია მიიღონ პოლიტიკური გადაწყვეტილება პარლამენტში უპირობო შესვლაზე" - რას ურჩევს გია ხუხაშვილი ოპოზიციას
"ჩემი დღევანდელი მიზანი იყო მომეძებნა გზები იმისთვის, რომ ამ მედიაციის ყველაზე რთული პუნქტები შესრულებულიყო", - ამის შესახებ ევროპული საბჭოს პრეზიდენტის შარლ მიშელის პირადმა წარმომადგენელმა კრისტიან დანიელსონმა პოლიტიკურ პარტიებთან შეხვედრის დასრულების შემდეგ გუშინ განაცხადა. დღეს კი ცნობილია, რომ ის მხარეებს შეთანხმებისთვის საბოლოო დოკუმენტს წარუდგენს. ამ საკითხს ეხმაურება ექსპერტი გია ხუხაშვილი "ფეისბუქის" პირად გვერდზე.
"თუ შემოთავაზებულ დოკუმენტში არ იქნება საუბარი რაიმე დათქმით რიგგარეშე არჩევნების დანიშვნის შესაძლებლობაზე, ოპოზიციური პარტიების მხრიდან ნებისმიერ სხვა პირობებზე დათანხმება მართლმსაჯულების, ან საარჩევნო კანონმდებლობასთან დაკავშირებით იქნება პოლიტიკური შეცდომა. ამით მხოლოდ დამატებით ლეგიტიმაციას აძლევენ ხელისუფლების მკვდრადშობილ "კეთილ ნებას" რეფორმებთან დაკავშირებით და სასაცილო მდგომარეობაში იყენებენ თავს.
ამიტომ, უკეთესია მიიღონ პოლიტიკური გადაწყვეტილება პარლამენტში უპირობო შესვლაზე, შემდეგი ფორმულირებით: -"არ ვაღიარებთ არჩევნების შედეგებს, მაგრამ ვითვალისწინებთ დეფაქტო მდგომარეობას, მაღალ სახელმწიფოებრივ რისკებს, ჩვენი დასავლელი მეგობრების თხოვნას, რათა მივაღწიოთ რეალურ და არა ქართული ოცნების მიერ შემოთავაზებულ ფსევდო რეფორმებს. ჩვენს მთავარ ამოცანად რჩება რიგგარეშე არჩევნების დანიშვნა. ეს გეგმა ძალაში შევა მას შემდეგ, რაც მელია და სხვები იქნებიან გათავისუფლებული", - წერს ხუხაშვილი.
"ყველა შესაძლო გზებით"ოცნებაზე" ზეწოლას გავაგრძელებთ" - სალომე სამადაშვილი
"არ იქნება მისაღები არცერთი ხედვა, რომელიც პოლიტპატიმრების და ვადამდელი არჩევნების საკითხს არ ამოწურავს" - ბოკერია
