"მთავრობამ შემოუშვა, ხალხმა გაუშვა" - რას წერს ელენე ხოშტარია ვლადიმერ პოზნერის საქართველოდან წასვლის შემდეგ
რუსი ჟურნალისტი, ვლადიმერ პოზნერი რომელიც საქართველოში სტუმრებთან ერთად დაბადების დღის აღსანიშნად იყო ჩამოსული, დღეს გამთენიისას ქართველი აქტივისტების პროტესტის გამო, იძულებული გახდა თბილისი ვადაზე ადრე, ჩარტერული რეისით დაეტოვებინა.
აღნიშნულს პოლიტიკური მოძრაობა "დროას" დამფუძნებელი, ელენე ხოშტარია "ფეისბუქში" გამოეხმაურა.
"მთავრობამ შემოუშვა, ხალხმა გაუშვა" - წერს ხოშტარია.
ცნობისთვის, პოზნერი საქართველოში გუშინ ათობით თანმხლებ პირთან ერთად სპეციალური ავიარეისით ჩამოფრინდა. მას დღეს დაბადების დღე ჩვენს ქვეყანაში უნდა აღენიშნა. მთავარი რუსული სახელისუფლებო არხის Первый канал-ის ტელეწამყვანის საქართველოში ჩამოსვლას, ადგილობრივი სამოქალაქო აქტივისტების აქციები მოჰყვა.
ცნობილი ტელეწამყვანი არაერთი სკანდალური ფრაზით არის ცნობილი, მათ შორის, ყველაზე დასამახსოვრებელი, რაც ქართველების პროტესტს იწვევს, 2010 წელს გაკეთებული განცხადებაა: "აფხაზეთი არასდროს გახდება საქართველოს ნაწილი". - თქვა მაშინ პოზნერმა.
"მომესმა, რომ ვიღაცას მუსიკა ჰქონდა ჩართული, მეგონა, ვიღაცას ტელეფონი დარჩა და რეკავდა..." - კახა კუჭავა პარლამენტში რუსეთის ჰიმნის ჩართვაზე
პარლამენტმა "საარჩევნო კოდექსში" ცვლილებების პროექტი დაამტკიცა - რა შეიცვლება საარჩევო რეფორმის შედეგად
