კორონავირუსის შემთხვევების გამო, ფოთში, სამკერვალო ფაბრიკა "აჭარა ტექსტილმა" მუშაობა შეაჩერა
ფოთში, სამკერვალო ფაბრიკა „აჭარა ტექსტილმა“ მუშაობა დროებით შეაჩერა. მიზეზი კორონავირუსის 50-მდე შემთხვევის დაფიქსირება გახდა. საწარმოს დირექტორის გია ლომინაძის განცხადებით, საქართველოში არსებული მათი ოთხი საწარმოდან მხოლოდ ფოთში მდებარე ფაბრიკა დაიხურა.
„როდესაც ჩვენს საწარმოში პირველი შემთხვევა დაფიქსირდა, დავიწყეთ მასიური ტესტირება. ანუ ყოველ მესამე დღეს ვახორციელებდით ტესტირებას. ორი ტესტის შედეგად გამოვლინდა 29 შემთხვევა, ბოლოს გავაკეთეთ „პისიარ“ ტესტი და კიდევ დაგვიდასტურდა კოვიდის შემთხვევები. შესაბამისად, გამომდინარე იქიდან, რომ დადასტურებული შემთხვევების აღმოფხვრა ვერ მოხერხდა, მივიღეთ გადაწყვეტილება დროებით შეჩერდეს საწარმოო პროცესი, მაგრამ ეს არის მხოლოდ ფოთის საწარმოში. მთელი ქვეყნის მასშტაბით 4 საწარმო გვაქვს, დანარჩენი სამი საწარმო ჩვეულ რეჟიმში აგრძელებს ფუნქციონირებას. ფოთის საწარმო დიდი ალბათობით 11 აპრილს გაიხსნება,“- განაცხადა გია ლომინაძემ.
გერმანიის გადაწყვეტილებით, სეზონურ სამუშაოებზე დასაქმების შესაძლებლობა 500-ის ნაცვლად, საქართველოს 5000 მოქალაქეს მიეცემა
რომელი პროდუქტები გაძვირდა ბოლო 1 თვეში და როგორია ფასების მატების წლიური მაჩვენებლები
