როდის გაწერენ კახა კალაძეს კლინიკიდან - თბილისის მერის მდგომარეობაზე ექიმი კომენტარს აკეთებს

დედაქალაქის მერის, კახი კალაძის ჯანმრთელობის მდგომარეობა დამაკმაყოფილებელია. ამის შესახებ Ambebi.ge-ს მისმა მკურნალმა ექიმმა, ზურაბ ფაღავამ განუცხადა.

ექიმის თქმით, კალაძე თავს კარგად გრძნობს, თუმცა ისევ რჩება კლინიკაში და მას სავარაუდოდ, 4 აპრილს გაწერენ.

"კარგად არის თავს კარგად გრძნობს, ყველაფერი რიგზეა. რაიმე შეზღუდვები შრომითი და ყოფითი საქმიანობიის თვალსაზრისით არ აქვს, მიუხედავად ამისა, მაინც რჩება კლინიკაში, რადგანაც საჭიროა კლინიკის პირობებში მასზე დაკვირვება და მკურნალობა.

სავარაუდოდ, გაიწერება კვირას დამაკმაყოფილებელი მდგომარეობით და ჩვეული დატვირთვით გააგრძელებს საქმიანობას." - განაცხადა ზურაბ ფაღავამ.

ცნობისთვის, დედაქალაქის მერს რამდენიმე დღის წინ დიაგნოზი – იშემიური გენეზის კოხლეო-ვესტიბულური დისფუნქცია დაუდგინდა.