ავტორი:

"ნატო-ს სჭირდება საქართველო, რომელსაც აქვს პლურალისტური პარლამენტი და დამოუკიდებელი სასამართლო" - იან კელი ღარიბაშვილის განცხადებას პასუხობს

"ნატო-ს სჭირდება საქართველო, რომელსაც აქვს პლურალისტური პარლამენტი და დამოუკიდებელი სასამართლო" - იან კელი ღარიბაშვილის განცხადებას პასუხობს

"ნატო-ს სჭირდება საქართველო - საქართველო, რომელსაც აქვს პლურალისტური პარლამენტი და დამოუკიდებელი სასამართლო", - ამის შესახებ საქართველოში აშშ-ის ყოფილი ელჩი იან კელი სოციალურ ქსელ "ტვიტერში“ წერს, რითაც ის პრემიერ-მინისტრ ირაკლი ღარიბაშვილის განცხადებას ეხმაურება იმასთან დაკავშირებით, რომ ნატოსაც ისევე სჭირდება საქართველო, როგორც საქართველოს სჭირდება ის.

"ნატო-ს სჭირდება საქართველო - საქართველო, რომელსაც აქვს პლურალისტური პარლამენტი და დამოუკიდებელი სასამართლო და ჰყავს მთავრობა, რომელიც ანგარიშვალდებულია ამ ორის წინაშე. საქართველოს ყველა მეგობარმა მხარი უნდა დაუჭიროს მათ, ვინც ამის მისაღწევად მუშაობს", -აცხადებს ყოფილი ელჩი.

შეგახსენებთ, საქართველოს პრემიერ - მინისტრმა ირაკლი ღარიბაშვილმა გუშინ სოციალურ ქსელში დაწერა, რომ საქართველოს ნატოში დაწინაურების დრო დადგა და რომ ნატოსაც ისევე სჭირდება საქართველო, როგორც საქართველოს სჭირდება ის.