ავტორი:

"თუ კალაძემ წასვლაზე იფიქრა, ეს მხოლოდ იმიტომ, რომ არ მისცეს იმხელა ტრამპლინი, რამხელა ამბიციაც ჰქონდა" - რა პროცესებს პროგნოზირებს ეკა ბესელია

"თუ კალაძემ წასვლაზე იფიქრა, ეს მხოლოდ იმიტომ, რომ არ მისცეს იმხელა ტრამპლინი, რამხელა ამბიციაც ჰქონდა" - რა პროცესებს პროგნოზირებს ეკა ბესელია

თუ კალაძემ პოლიტიკიდან წასვლაზე იფიქრა, ეს მხოლოდ იმიტომ, რომ მისი ამბიცია, არასდროს არ იყო იმ მოცემულობის შესატყვისი, რასაც მას სთავაზობდნენ. მას არ ჰქონდა დიდი ტრამპლინი რამხელა ამბიციაც ჰქონდა, - ამის შესახებ პარტია „სამართლიანობისთვის“ ლიდერმა ეკა ბესელიამ „პალიტრანიუსის” გადაცემა „ნიუსრუმში” განაცხადა, რითაც გამოეხმაურა მედიაში გავრცელებულ ინფორმაციას თბილისის მერის კახა კალაძის პოლიტიკიდან სავარაუდო წასვლის შესახებ.

ბესელია გამორიცხავს, რომ კალაძემ დამოუკიდებლად იმოქმედოს, რადგან ის ფიქრობს, რომ „გამბედაობა, რომელიც სჭირდება დამოუკიდებელი ნაბიჯების გადადგმას, ამას არ უშვებს კალაძის შემთხვევაში“.

„საკმაოდ რთული ეტაპია ყველასთვის, როგორც ქვეყნისთვის ასევე ხელისუფლებისთვის და ოპოზიციისთვისაც. ყველაზე დიდი გამოწვევა არის მმართველი პარტიის და ცალკეული ლიდერებისთვის, რომელთა ბმა „ოცნებასთან“ პრაქტიკულად განაპირობებს იმ დარჩენილ მხარდაჭერას თუ რეიტინგს, რაც მათ აქვთ. კალაძის გადაწყვეტილება ახლა იქნება ყველაზე კარგი ინდიკატორი რა ხდება მის ირგვლივ. ვფიქრობ, რომ იქედან გამომდინარე, რაც ვიცი და რასაც ვაკვირდებოდი ეს წლები, ის დამოუკიდებლად გადაწყვეტილებას რადიკალურად შეცვალოს მისი პოზიციონირება, არ გააკეთებს და ვერ გააკეთებს, მაგალითად, ოპოზიციაში წავიდეს ან გახდეს სხვა ჯგუფის ლიდერი. ასეთი კრიტიკული და სარისკო ნაბიჯების გადადგმას მე მისგან არ ველოდები. შეიძლება დაშვება გავაკეთო იმის, რომ საერთოდ წავიდეს.

თუ იფიქრა წასვლაზე, ეს მხოლოდ იმიტომ, რომ მისი ამბიცია ყოველთვის დიდი იყო, არასდროს არ იყო იმ მოცემულობის შესატყვისი, რასაც მას სთავაზობდნენ. მას არ ჰქონდა დიდი ტრამპლინი რამხელა ამბიციაც ჰქონდა. მაგალითისთვის, გამოდგება ბოლო გადაწყვეტილება, როდესაც პარტიის თავმჯდომარე გახდა კობახიძე და არა კალაძე, მიუხედავად იმისა, რომ კალაძეს უფრო მაღალი პოლიტიკური თანამდებობა ჰქონდა პარტიაში. კალაძეს მეტი ავტორიტეტი ჰქონდა შიგნით, არც შევადარებ კობახიძის ფაქტორს, მას შიგნით არანაირი წონა არ ჰქონდა. ეს გადაწყვეტილება მეტყველებდა იმაზე, რომ ივანიშვილი არ აძლევს მეტ ტრაპლინს და არეალს, ვიდრე მას აქვს, თუ კალაძე გადაწყვეტს წასვლას, შეიძლება ეს გახდეს საფუძველი. მე გამოვრიციხავ მისი მხრიდან დამოუკიდებელ სვლებს. ის გამბედაობა, რომელიც სჭირდება დამოუკიდებელი ნაბიჯების გადადგმას, მე ამას არ ვუშვებ კალაძის შემთხვევაში“ , - განაცხადა ბესელიამ.