ავტორი:

"თუ "ჩმორების“ მდგომარეობაში ვიქნებით, ვერანაირი ვიოლა ფონ კრამონი ვერ გვიშველის" - ზურა ჯაფარიძე

"თუ "ჩმორების“ მდგომარეობაში ვიქნებით, ვერანაირი ვიოლა ფონ კრამონი ვერ გვიშველის" - ზურა ჯაფარიძე

"თუ "ჩმორების“ მდგომარეობაში ვიქნებით, რა მდგომარეობაშიც ვართ, ვერანაირი ვიოლა ფონ კრამონი ვერ გვიშველის", - ამის შესახებ "გირჩი-მეტი თავისუფლების“ ლიდერმა, ზურაბ (გირჩი) ჯაფარიძემ "პალიტრანიუსის“ ეთერში, გადაცემაში "360 გრადუსი“ განაცხადა, რითაც ევროპარლამენტარ ვიოლა ფონ კრამონის განცხადებას გამოეხმაურა.

ზურაბ ჯაფარიძემ ევროპარლამენტარის განცხადება შეაფასა, რომლის მიხედვითაც, კრამონი მოუწოდებს ოპოზიციას, საპარლამენტო საქმიანობას შეუერთდნენ, ხოლო თავად ყველაფერს გააკეთებენ, რომ ოპოზიციას პარლამენტში მუშაობის უკეთესი შესაძლებლობები ჰქონდეთ.

ზურაბ ჯაფარიძის თქმით, მას არ სჯერა, რომ ევროპარლამენტარების დახმარების შედეგად დემოკრატიისკენ წავა ქვეყანა.

"არ მჯერა, რომ დაგვეხმარებიან და წავალთ დემოკრატიისკენ. მე მჯერა, რომ თუ ამ ბრძოლას წავაგებთ, ჩვენ წავალთ თურქმენეთისკენ. ეჭვი მაქვს, რომ ვერ დაგვეხმარებიან, ამას ვხედავ მათ შორის, ამ მოლაპარაკებების დროს. ისინი ამ სიტუაციას უყურებენ ისე, თითქოს, აქ საუბარი იყოს აღმოსავლეთ ევროპის ქვეყანაზე, სადაც პატარ-პატარა პრობლემები შეიძლება იყოს დემოკრატიაში, ვითომ დემოკრატიული ინსტიტუტებით შეიძლება სიტუაცია გამოსწორდეს. ჩვენ სხვა რეალობაში ვცხოვრობთ.

ხალხი აქ უნდა მოვიდეს აზრზე, აქ უნდა გამოფხიზლდეს, ხალხმა უნდა დაანახოს ძალა პირველ რიგში ბიძინა ივანიშვილს და შემდეგ მაგ მეგობრებს. მაგ მეგობრების მიდგომებიც შეიცვლება, ამის მჯერა მე. სხვა რამის მე არ მჯერა. თუ ჩვენ „ჩმორების“ მდგომარეობაში ვიქნებით, რა მდგომარეობაშიც ჩვენ ვართ და რითიც ივანიშვილი სარგებლობს, ვერანაირ ვიოლა ფონ კრამონი ვერ გვიშველის, არ მჯერა“,-აცხადებს ჯაფარიძე.

"არ მინდა ვინმე დაიძაბოს, მაგრამ..." - დავით სერგეენკოს თქმით, კორონავირუსის მესამე ტალღა გარდაუვალია

"ასლანს თავისი დასასრულის ჟამს ბევრად მეტი ხალხი ჰყავდა... ფარჩაკები უნდა ვიყოთ, ესენი რომ ვერ დავასრულოთ" - მიხეილ სააკაშვილი

ირაკლი ღარიბაშვილი სამეფო ოჯახს უსამძიმრებს