დღის ფოტო: მიხაკები ენგურზე - დაღუპული აფხაზების ხსოვნას შამგონაში პატივი მიაგეს

ენგურზე მომხდარმა ტრაგედიამ გუშინ მთელი საქართველო შეძრა. აფხაზეთიდან თბილისის კონტროლირებად ტერიტორიაზე უკანონოდ გადმოსვლის დროს, მდინარე ენგურის გადმოკვეთისას, გალის რაიონის სოფელ წარჩეს ოთხი მკვიდრი დაიღუპა.

გარდაცვლილები არიან ცოლ-ქმარი მაყვალა გამისონია და ჯონი გვალია, მათი ბიძაშვილი თამუნა ცატავა და მათი გამცილებელი 62 წლის თამაზ ბასლანძე. მომხდარზე გამოძიება სისხლის სამართლის კოდექსის 143-ე და 115-ე მუხლით მიმდინარეობს.

დღეს შამგონაში სამოქალაქო აქტივისტებმა ოკუპაცია გააპროტესტეს. ისინი დაწესებული კარანტინის გაუქმებას ითხოვდნენ. აქციის მონაწილეებმა მდინარეში ყვავილები გაუშვეს და დაღუპულების ხსოვნას პატივი მიაგეს. ფოტო "ფეისბუქგვერდზე" - "აფხაზეთის ამბები" გავრცელდა.

• წაიკითხეთ: "დევნილების შემწეობა, 45 ლარი უნდა აეღოთ და ოჯახისთვის წვრილმანები ეყიდათ..." - ვინ არიან ენგურზე დაღუპული ცოლ-ქმარი?