ბადრი პატარკაციშვილის დედა, ნათელა პატარკაციშვილი გარდაიცვალა

ცნობილი ბიზნესმენის, ბადრი პატარკაციშვილის დედა, ნათელა პატარკაციშვილი გარდაიცვალა. ამის თაობაზე "ფეისბუქის" პირად გვერდზე ინფორმაციას პარლამენტის ყოფილი დეპუტატი მარინა მოლოდინი ავრცელებს.

"წავიდა ჩვენი უსაყვარლესი ქალბატონი, ნათელა პატარკაციშვილი აღარ გვყავს", - წერს მოლოდინი.

ცნობილია, რომ ქალბატონ ნათელას ჯანმრთელობის გართულებული პრობლემები ჰქონდა და ბოლო ხანს კლინიკაში იმყოფებოდა.

შეგახსენებთ, ტელეკომპანია "იმედის" დამფუძნებელი და საქართველოს ოლიმპიური კომიტეტის ყოფილი პრეზიდენტი ბადრი პატარკაციშვილი 2008 წლის 12 თებერვალს, ლონდონში გარდაიცვალა.