კოვიდრეგულაციების დარღვევის გამო, პოლიციამ ნორვეგიის პრემიერი დააჯარიმა - ერნა სოლბერგმა მთის კურორტზე დაბადების დღის წვეულება გამართა

პოლიციამ ნორვეგიის პრემიერ-მინისტრი, ერნა სოლბერგი კოვიდრეგულაციების დარღვევის გამო დააჯარიმა. პოლიციის განცხადებით, პრემიერმა თებერვალში, დაბადების დღის აღსანიშნი ოჯახური წვეულება გამართა. ამის შესახებ "გარდიანი“ წერს.

გამოცემის ცნობით, ერნა სოლბერგს 20 000 კრონის გადახდა მოუწევს, რაც დაახლოებით, 2 300 დოლარია.

სოლბერგს დაბადების დღე 24 თებერვალს ჰქონდა. ის 60 წლის გახდა. წვეულებას მისი ოჯახის 13 წევრი ესწრებოდა. ოჯახი ნორვეგიის მთის კურორტზე შეიკრიბა.

ქვეყანაში არსებული რეგულაციების მიხედვით,10 ადამიანზე მეტის შეკრება აკრძალულია. წვეულების გამართვისა და რეგულაციების დარღვევის გამო, პრემიერ-მინისტრმა ბოდიშიც მოიხადა.