სოფელ ნამახვანში, მდინარეში გაუჩინარებული მამაკაცის სამძებრო-სამაშველო სამუშაოებში მყვინთავები ჩაერთნენ - ადგილზე რვა ნავია მობილიზებული

სოფელ ნამახვანში, მდინარეში გაუჩინარებული მამაკაცის სამძებრო სამუშაოები რიონის ხეობაში გრძელდება.

პროცესში მყვინთავები ჩაერთნენ. არსებული ინფორმაციით, ადგილზე რვა ნავია მობილიზებული.

სამძებრო ოპერაციაში მაშველების სხვადასხვა რეგიონიდან ჩართვა გახდა საჭირო. გვიან ღამით ადგილზე კარავი გაიშალა, სადაც საგანგებო შტაბი მოეწყო.

ახალგაზრდა მამაკაცი მდინარე რიონში გუშინ შევიდა და გაუჩინარდა. მომხდარზე გამოძიება 115-ე მუხლით დაიწყო.