მეგან მარკლი პრინც ფილიპის დაკრძალვაზე ქმრის გვერდით არ იქნება - "ორსულობის გამო ექიმმა ურჩია, რომ არ იმოგზაუროს"

ედინბურგის ჰერცოგის, დიდი ბრიტანეთის დედოფალ ელისაბედის ქმრის, პრინც ფილიპის გარდაცვალების შემდეგ, არა მხოლოდ ბრიტანეთში, არამედ მთელ მსოფლიოში აინტერესებთ, დაესწრება თუ არა პრინც ჰარის ცოლი, მეგან მარკლი დაკრძალვას.

აღნიშნულ საკითხზე სამეფო ოჯახმა ოფიციალური განცხადება გაავრცელა, სადაც ნათქვამია, რომ პრინცი გეგმავს დაბრუნდეს სამშობლოში აშშ-დან ბაბუის დაკრძალვაზე დასასწრებად, თუმცა, მეგანი მის გვერდით არ იქნება.

სამეფო ოჯახმა ოფიციალური განცხადება გაავრცელა

"მეგანი დაკრძალვაზე არ იქნება თავისი ქმრის გვერდით, რადგანაც ექიმმა ურჩია, რომ ორსულობის გამო მოგზაურობისთვის თავი აერიდებინა“, - ნათქვამია ოფიციალურ განცხადებაში.

ცნობისთვის, პრინცმა ჰარიმ და მეგან მარკლმა ოპრა უინფრისთვის მიცემულ სკანდალურ ინტერვიუში თქვეს, რომ სამეფო ოჯახის ზოგიერთი წევრი რასისტული განცხადებებით გამოირჩეოდა. სასახლეში ცხოვრება კი მეგანისთვის იმდენად რთული იყო, რომ თვითმკვლელობაზე ფიქრობდა. ტაბლოიდების ცნობით, ჰარი თავისი ოჯახის წევრებისგან მეგანისთვის ბოდიშის მოხდას ითხოვს. ამასთან, წყვილი მეორე შვილის, გოგოს მოლოდინში არიან.

რაც შეეხება პრინც ფილიპს, ის 9 აპრილს, 99 წლის ასაკში გარდაიცვალა. ედუნბურგის ჰერცოგს 17 აპრილს დაკრძალავენ.