რუსთავში, მდინარე მტკვარში ქალს ეძებენ

რუსთავში, მდინარე მტკვრის კალაპოტში, მეორე დღეა საძიებო სამუშაოები მიმდინარეობს. მაშველები მდინარეში 54 წლის ქალს ეძებენ.

ოჯახის წევრების ინფორმაციით, ქალი სახლიდან 2 აპრილს საღამოს გავიდა, ბოლოს ის თბილისში ნახეს და მას შემდეგ სახლში არ დაბრუნებულა.

საძიებო სამუშაოებში ჩართული არიან საგანგებო სიტუაციების მართვის სამსახურის მაშველები, ადგილზე მობილიზებული არიან სამართალდამცავებიც.