კანადელმა დეპუტატმა კამერის წინ ტანსაცმელი მაშინ გაიხადა, როცა "ზუმში" სხდომა მიმდინარეობდა - "შესანიშნავი სხეული აქვს, მაგრამ კამერა უნდა აკონტროლოს"
პანდემიის გამო ონლაინ მუშაობის რეჟიმს ბევრი უხერხულობა ახლავს თან. თათბირები, საქმიანი შეხვედრები, სასამართლო პროცესებიც კი, ონლაინ მიმდინარეობს. ხშირია შემთხვევა, როდესაც საქმიანი საუბრისას ოჯახის რომელიმე წევრი შედის ოთახში, სახალისოდ ჩაცმული (ან შიშველი). კადრები კი შემდეგ სოაციალურ ქსელში ვირუსულად ვრცელდება.
დაახლოებით მსგავსი ფაქტი მოხდა ახლახანს კანადაში და ამჯერად უხერხულ სიტუაციაში კანადელი დეპუტატი, უილიამ ამოსი აღმოჩნდა.
სხდომა ონლაინ მიმდინარეობდა. როგორც washingtonpost.com წერს, დანარჩენმა დეპუტატებმა დაინახეს თუ როგორ გამოჩნდა კადრში უილიამ ამოსი შიშველი. ყოველივეს დანახვისას კანადის პრემიერ-მინისტრმა ჯასტინ ტრუდომ კითხვების დასმა შეწყვიტა, დანარჩენმა კოლეგებმა კი სიცილი დაიწყეს,
"ჩვენ ვნახეთ, რომ დეპუტატს შესანიშნავი სხეული აქვს, მაგრამ მას ვეტყოდი, რომ მკაცრად აკონტროლოს კამერა“, - განაცხადა ერთ-ერთმა დეპუტატმა კლოდ დე ბელეფილმა.
ინციდენტის მთავარი გმირი აცხადებს, რომ ვიდეო შემთხვევით ჩაირთო მაშინ, როცა ტანსაცმელს იცვლიდა და თავადაც აპირებდა, რომ დეპუტატთა სხდომას შეერთებოდა.
"გულწრფელად ვიხდი ბოდიშს, ეს შეცდომა იყო და აღარასდროს განმეორდება“, - ამბობს დეპუტატი.
"ნავალნის შესაძლოა თირკმლის უკმარისობა დაემართოს, ეს გამოიწვევს მწვავე პათოლოგიას და შეიძლება გულის გაჩერება მოხდეს" - ექიმთა ალიანსის პროფკავშირი
რუსული მედიის ინფორმაციით, "ეფესბემ" უკრაინის კონსული დააკავა
