არსებული ინფორმაციით, "საქართველოს ბანკზე“ თავდასხმისას მძევლად აყვანილი პირებიდან ორი გაათავისუფლეს

ავლაბარში, "საქართველოს ბანკის“ ფილიალი, სადაც ცოტა ხნის წინ შეიარაღებული თავდასხმა განხორციელდა, ორმა მძევალმა დატოვა.

არსებული ინფორმაციით, ადგილზე რჩება კიდევ ერთი მძევალი.

ადგილზე იმყოფება საპატრულო პოლიციის დეპარტამენტის უფროსი ვაჟა სირაძე, რომელიც ცოტა ხანში განცხადებას გააკეთებს.

ცნობისთვის, ავლაბრის მეტროსთან მდებარე "საქართველოს ბანკის“ ფილიალში შეიარაღებული პირი შეიჭრა. არსებული ინფორმაციით, თავდამსხმელმა რამდენიმე პირი მძევლად აიყვანა. ადგილზე მობილიზებულები არიან სამართალდამცავები.