"ძმებს დავა სახლთან დაკავშირებით ჰქონდათ, ვერ იყოფდნენ" - რას ჰყვებიან ქობულეთში მომხდარ მკვლელობაზე ადგილობრივები?
ქობულეთის მუნიციპალიტეტის სოფელ ჩაისუბანში ძმამ სანადირო თოფით ძმა მოკლა. შემთხვევას ოჯახის წევრები შეესწრენენ, მათ შორის სავარაუდოდ, მოკლულისა და ბრალდებულის არასრულწლოვანი შვილებიც.
დაპირისპირებული მხარეები ერთ სახლში ცხოვრობდნენ. სოფელში ამბობენ, რომ ძმებს უთანხმოება წინათაც ჰქონდათ და ეს საცხოვრებელი სახლის გაყოფას უკავშირდებოდა.
"ადრეც ხშირად ჩხუბობდნენ, თუმცა მკვლელობის შემთხვევა მოულოდნელი აღმოჩნდა. კონფლიქტი და დავა სახლთან დაკავშირებით იყო, ვერ იყოფდნენ" - გვიყვებიან ადგილობრივები.
"ძმებს წინათაც ჰქონდათ კონფლიქტი, ისინი ერთ სახლში ცხოვრობდნენ. ორივეს ცოლი და შვილები ჰყავთ. ახლა რა გახდა ინცინდენტის მიზეზი ზუსტად არ ვიცი, მაგრამ მორიგი უთანხოება ჰქონდათ.
51 წლის ძმამ სანადირო თოფით, 40 წლამდე ძმას ესროლა, რომელიც ადგილზე გარდაიცვალა. სასწრაფო -სამედიცინო დახმარების ბრიგადა, რომ მივიდა უკვე გარდაცვლილი იყო. ფაქტს ოჯახის წევრებიც შეესწრენ, რადგან სახლში მოხდა ამბავი. ძმა მალევე დააკავეს, იგი როგორც ვიცი დანაშაულს აღიარებს",- აცხადებს სოფლის რწმუნებული ჯუმბერ ყურშუბაძე.
საზარელი ფაქტი თბილისში - 63 წლის კაცმა ავტოფარეხში 7 წლის ბავშვთან გარყვნილი ქმედება ჩაიდინა, შემდეგ იგივე განახორციელა 16 წლამდე პირთანაც
მინდია გოგოჭურს 4 წლით პატიმრობა მიესაჯა - რა ინფორმაციას ავრცელებს პროკურატურა?
