"მიყვარხართ და მენატრებით, მეუღლეს მიმიხედეთო..." - ადვოკატის თქმით, ბანკზე თავდამსხმელი ბოდიშს იხდის

"საქართველოს ბანკზე" თავდასხმისთვის დაკავებულ ნიკოლოზ წურწუმიას ბრალს ოფიციალურად დღეს წარუდგენენ. წურწუმია ბრალის წარდგენამდე ადვოკატმა ზაჰესის დროებითი მოთავსების იზოლატორში მოინახულა.

"მე და ჩემი დაცვის ქვეშ მყოფთმა ვისაუბრეთ არაერთ საკითხთზე. პირველ რიგში, მისი და მთელი ოჯახის სახელით მე ვუხდი ბოდიშს იმ ადამაინებს, ვინც იქ იმყოფებოდნენ.

მეორე საკითხი რაც განვიხილეთ იყო, მისი ფინანსური და მატერიალური მდგომარეობა, რაც დაკავშირებულია გარკვეულ პირთა წრესთან. როდესაც იგი შევიდა ბანკში, ორი შეშინებული მანდილოსანი დაუყოვნებლივ გაუშვა გარეთ. სხვა შედეგებზე არ უფიქრია. ახლაც კი, მის გამოგზავნილ წერილში წერია, მიმიხედეთ მეუღლეს, ძალიან მიყვარხართო" - ამბობს ადვოკატი გიორგი ბარდაველიძე.

ბრალდებულის წერილს "მთავარი არხი" ავრცელებს:

ცნობისთვის, თბილისში, მეტროსადგურ „ავლაბრის“ მიმდებარე ტერიტორიაზე, „საქართველოს ბანკის“ ფილიალს გუშინ ერთი პირი - ნიკოლოზ წურწუმია თავს დაესხა. შინაგან საქმეთა სამინისტროს ინფორმაციით, თავდამსხმელს მძევლად 7 ადამიანი ჰყავდა აყვანილი. წურწუმია მძევლად ხელში ჩაგდების და ცეცხლსასროლი იარაღის მართლსაწინააღმდეგო შენახვა-ტარების ბრალდებითაა დაკავებული.