ავტორი:

ლაგოდეხში პოლიციელი დაჭრეს - ოჯახური კონფლიქტის დროს, სამართალდამაცვმა მამაკაცის შეჩერება სცადა

ლაგოდეხში პოლიციელი დაჭრეს - ოჯახური კონფლიქტის დროს, სამართალდამაცვმა მამაკაცის შეჩერება სცადა

ლაგოდეხის მუნიციპალიტეტის სოფელ კაბალში სამართალდამცველს სამსახურეობრივი მოვალეობის შესრულების დროს ბასრი საგნით დაზიანება მიაყენეს.

შემთხვევა იმ დროს მოხდა, როდესაც სავარაუდო, ოჯახური კონფლიქტის დროს პოლიცია გამოიძახეს. არსებული ინფორმაციით, პოლიციამ მამაკაცის შეჩერება სცადა, რა დროსაც მან პოლიციელს ბასრი საგნით მხრის და ხელის არეში ჭრილობა მიაყენა.

ერთ-ერთი ვერსიით მამაკაცს ფსიქოლოგიური პრობლემები ჰქონდა.

დაჭრილი პოლიციელი საავადმყოფოში გადაიყვანეს. ამ ეტაპზე მისი ჯანმრთელობის მდგომარეობა დამაკმაყოფილებელია.

თავდამსხმელი უკვე დაკავებულია.

შინაგან საქმეთა სამინისტროს ცნობით, კახეთის პოლიციის დეპარტამენტის თანამშრომლებმა, ჩატარებული ოპერატიული და საგამოძიებო მოქმედებების შედეგად, 1981 წელს დაბადებულ ქ.ნ. პოლიციელზე თავდასხმის ბრალდებით, ლაგოდეხში დააკავეს.

უწყების პრესსამსახურის ინფორმაციით, დანაშაული 4-დან 7 წლამდე ვადით თავისუფლების აღკვეთას ითვალისწინებს.

„გამოძიებით დადგინდა, რომ ქ.ნ.-მ პოლიციის თანამშრომელს სამსახურებრივი მოვალეობის შესრულების დროს, ცივი იარაღით, ხელის არეში დაზიანება მიაყენა.

გამოძიება სისხლის სამართლის კოდექსის 353-ე პრიმა მუხლის 1-ლი ნაწილით მიმდინარეობს, რაც პოლიციელზე თავდასხმას გულისხმობს“, - აღნიშნულია შსს-ის მიერ გავრცელებულ ინფორმაციაში.

"ნიკა მელიას ტემპერატურის მატება არ აღენიშნება, მან ტესტის ჩატარებაზე უარი თქვა" - რა განცხადებას ავრცელებს პენიტენციური სამსახური?

დაპირისპირება აბასთუმანში სამშენებლო კომპანიის წარმომადგენლებს შორის - არსებული ინფორმაციით, ყოველივეს ერთი ადამიანი ემსხვერპლა, კიდევ ერთი კი დაჭრილია

ცნობილი ხდება, რომ ჯარისკაცების მიმართ არაადამიანური მოპყრობის საქმის კიდევ ერთმა ფიგურანტმა,  ერთი თვის წინ, თავი მოიკლა - რა განაცხადა პროკურორმა?