ავტორი:

ნაკაშიძის ქუჩაზე ერთი პირი ცეცხლსასროლი იარაღით დაჭრეს - სავარაუდო თავდამსხმელი დაკავებულია

ნაკაშიძის ქუჩაზე ერთი პირი ცეცხლსასროლი იარაღით დაჭრეს - სავარაუდო თავდამსხმელი დაკავებულია

ნაკაშიძის ქუჩაზე ერთი პირი სავარაუდოდ, ცეცხლსასროლი იარაღიდან დაჭრეს. ადგილობრივების ცნობით, თავდამსხმელი „გლოვოს“ მოპედით გადაადგილდებოდა, რა დროსაც მასსა და ორ ადგილობრივს შორის შელაპარაკება მოხდა.

ადგილობრივების მტკიცებით, ადგილზე სროლის ხმა რამდენჯერმე გაიგეს. დაშავებულს პირველადი სამედიცინო დახმარება ადგილზე გაუწიეს.

„მოპედზე რომელიც იჯდა, იმან ესროლა. ორნი იყვნენ, ერთი არის დაჭრილი. სროლის ხმა გავიგე და ამიტომ გამოვედი გარეთ”, - აღნიშნა ერთ-ერთმა ადგილობრივმა.

მომხდართან დაკავშირებით სამართალდამცავებმა ერთი პირი უკვე დააკავეს. როგორც „ინტერპრესნიუსს“ შინაგან საქმეთა სამინისტროში განუცხადეს, გამოძიება სისხლის სამართლის კოდექსის 19,108 (განზრახ მკვლელობის მცდელობა) და 236-ე (ცეცხლსასროლი იარაღის მართლსაწინააღმდეგო შეძენა, შენახვა, ტარება) მუხლებით დაიწყო.

არაოფიციალური ინფორმაციით, დაპირისპირებულ მხარეებს კონფლიქტი წარსულშიც ჰქონდათ.

ფოტო: ლევან ტაბატაძე

ჯარისკაცების მიმართ დამამცირებელი და არაადამიანური მოპყრობის საქმეზე დაკავებულ შსს-ს 2 თანამშრომელს ბრალი წარედგინა

სექსუალური ორიენტაციის გამო მუქარის და იძულების, ასევე კომპიუტერულ სისტემაში უნებართვო შეღწევის ფაქტზე დაკავებულს ბრალი წარუდგინეს

ჯგუფურად ჩადენილი თავისუფლების უკანონო აღკვეთის და წამების ფაქტზე ბრალდებულებს 9-9 წლით თავისუფლების აღკვეთა მიესაჯათ - პროკურატურის განცხადება