ავტორი:

სკანდალური ჩემპიონატი გროზნოში: როგორ გაუფორმეს გამარჯვება კრივში კადიროვის ვაჟს - "მოწინააღმდეგე გაკვირვებული იყო, ადამ კადიროვს დარტყმები მიაყენა, მაგრამ დამარცხებულად ჩათვალეს"

სკანდალური ჩემპიონატი გროზნოში: როგორ გაუფორმეს გამარჯვება კრივში კადიროვის ვაჟს - "მოწინააღმდეგე გაკვირვებული იყო, ადამ კადიროვს დარტყმები მიაყენა, მაგრამ დამარცხებულად ჩათვალეს"

გროზნოში კრივის ჩემპიონატი, "ლეგენდების დრო“ გაიმართა. ყოველწლიურ შეჯიბრს ორგანიზებას ჩეჩნეთის საბრძოლო კლუბი "ახმატი“ უწევს და ტრადიციაა, რომ შეჯიბრში გამარჯვებულის სტატუსს ჩეჩნეთის ლიდერის, რამზან კადიროვის ვაჟები მოიპოვებენ ხოლმე.

გამონაკლისი არც მიმდინარე ტურნირი იყო, ადამმა და ალი კადიროვებმა გაიმარჯვეს, მაგრამ ჩეჩნეთის მეთაურის ერთ-ერთი ვაჟის, 13 წლის ადამ კადიროვის ბრძოლამ და გამარჯვებამ კითხვები გააჩინა.

როგორც BBC-ის რუსული ბიური წერს, ახალგაზრდა მებრძოლი ყაბარდო-ბალყარეთიდან, ასლან ბიტიროვი ადამ კადიროვს დიდ წინააღმდეგობას უწევდა, ბიტიროვი მოწინააღმდეგეს არ ჩამოუვარდებოდა და კადიროვს თავში რამდენიმე ძლიერი დარტყმაც მიაყენა.

ამ მომენტში კი მსაჯმა ბრძოლა შეაჩერა, ნოკდაუნის ათვლა დაიწყო, ბიტიროვის მწვრთნელმა კი თეთრი პირსახოცი ისროლა იმის ნიშნად, რომ ასლანმა ბრძოლა წააგო. ბიტიროვს გაკვირვებული და შეცბუნებული სახე ჰქონდა, ხოლო ადამ კადიროვი გამარჯვებულად გააფორმეს და დააჯილდოვეს.

მომხდარს რამზან კადიროვი სოციალურ ქსელში გამოეხმაურა და დაწერა, რომ ასლან ბიტიროვის წინააღმდეგობა მისმა ვაჟმა დაძლია. "ნოკდაუნის შემდეგ, ასლან ბიტიროვმა მეორე რაუნდში ბრძოლის გაგრძელებაზე უარი თქვა“, - დაწერა Vkontakte-ს გვერდზე რამზან კადიროვმა.

ნახეთ ვიდეო:

კორონავირუსის 401 993 შემთხვევა და 3 523 გარდაცვლილი - ინდოეთში ინფიცირების რეკორდული მაჩვენებელი დაფიქსირდა

"უფლებას ვიტოვებთ, მივიღოთ შესაბამისი ზომები" - ევროკავშირისა და ამერიკის მკაცრი პასუხი რუსეთის გადაწყვეტილებაზე

რუსეთმა ევროპარლამენტის პრეზიდენტი დევიდ სასოლი "შავ სიაში“ შეიყვანა - "სურთ ჩვენი ქვეყნის განვითარების შეჩერება ნებისმიერ ფასად"