ავტორი:

როდის მიიღებს საქართველო ვაქცინების მორიგ პარტიას? -  "ჯერ "ასტრაზენეკას“ დამატებითი დოზები შემოვა, შემდეგ არის "ფაიზერის“ მოლოდინი"

როდის მიიღებს საქართველო ვაქცინების მორიგ პარტიას? -  "ჯერ "ასტრაზენეკას“ დამატებითი დოზები შემოვა, შემდეგ არის "ფაიზერის“ მოლოდინი"

ჯანდაცვის მინისტრის, ეკატერინე ტიკარაძის განცხადებით, საქართველო ვაქცინების მორიგ პარტიას მაისიდან მიიღებს.

როგორც ეკატერინე ტიკარაძემ ჟურნალისტებს განუცხადა, საქართველოში ჯერ "ასტრაზენეკას“ დამატებითი დოზა შემოვა, შემდეგ არის "ფაიზერის“ მოლოდინი. ამასთან, მინისტრის ინფორმაციით, მოლაპარაკებები მიმდინარეობს "მოდერნასთანაც“, თუმცა, კონკრეტული გადაწყვეტილება ჯერ ცნობილი არ არის.

"პორტალმა გვიჩვენა, რომ "ფაიზერზე“ და "მოდერნაზე“ განსაკუთრებული სანდოობა და მოთხოვნაა საზოგადოების მხრიდან, მაგრამ ასევე ჩვენ ვაკვირდებით, რომ მესამე ადგილზეა "ასტრაზენეკა“, რაც მიუთითებს სახელმწიფოს სწორ გადაწყვეტილებას "ასტრაზენეკასთან“ მიმართებაში. აქ უნდა აღვნიშნოთ, რომ თვის ბოლოს შემოვა "ასტრაზენეკას“ შემდეგი მოცულობა საქართველოში - 50 ათასამდე დოზა. შემდეგი დოზა შემოვა მაისში, ეს გადაწყვეტილება მიიღო "კოვაქსპლატფორმამ“ გამომდინარე იქედან, რომ ჩვენ ვიცით თითოეულ ვაქცინას აქვს მოკლე ვარგისიანობის ვადა და მნიშვნელოვანია ვადით დაცული ვაქცინები შემოვიდეს ქვეყანაში.

ასევე, ჯანდაცვის სამინისტრო აქტიურად მუშაობს "ფაიზერთან“, ვაქცინების პირდაპირ მოწოდებასთან დაკავშირებით. შეთანხმება ერთ მილიონ დოზაზე მიღწეულია და ამ ეტაპისთვის ჩვენ ვმუშაობთ თარიღის დადგენაზე, რაც შეეხება "მოდერნას“, მასთან მიმართებაში მუშაობა მიმდინარეობს, თუმცა, ამ ეტაპისთვის, საზოგადოებას ვერ მივაწვდით კონკრეტულ ინფორმაციას“, - განაცხადა ტიკარაძემ და დასძინა: "ჯერ ასტრაზენეკა“ შემოვა, შემდეგ გვაქვს მოლოდინი, რომ შემოვა „ფაიზერი“.

ამასთან, ჯანდაცვის მინისტრი ვარაუდობს, რომ "სინოფარმთან“ დაკავშირებით საზოგადოების დამოკიდებულება ვაქცინის მიერ აკრედიტაციის მიღების შემდეგ შეიცვლება.

"სინოფარმთან“ მიმართებაში ვიცით, რომ ის არის მოლოდინის ფურცელზე, სანამ მიიღებს ჯანდაცვის მსოფლიო ორგანიზაციის მხრიდან აკრედიტაციას. თუმცა, რადგან "სინოფარმი“ წარმოადგენს ტრადიციულ მეთოდზე შექმნილ ვაქცინაც, მის მიმართ მოთხოვნა და სანდოობა არის საკმაოდ მაღალი. ის, რომ დღესდღეობით არის ბოლო პოზიციებზე, გამომდინარეობს იქედან, რომ მას არ აქვს ამ ეტაპისთვის მსოფლიო ჯანდაცვის ორგანიზაციის მხრიდან აკრედიტაცია. დარწმუნებულები ვართ, მისი პოზიციები აკრედიტაციის მიღების შემდეგ დაწინაურდება“, - განაცხადა ტიკარაძემ.

ცნობისთვის, ვაქცინაციისთვის წინასწარი რეგისტრაციის პორტალი შეიქმნა.

წინასწარი რეგისტრაციის მიზანია, ცნობილი იყოს ინფორმაცია COVID-19 ვაქცინაციის მსურველთა რაოდენობის შესახებ.

რეგისტრაციის დროს, მოქალაქეებს ეძლევათ ვაქცინებს შორის არჩევანის გაკეთების შესაძლებლობა.

COVID-19 ვაქცინაციაში მონაწილეობის მიღება შეუძლია 18 წელზე უფროს მოსახლეობას.

წინასწარი რეგისტრაციის ფორმაა - https://www.moh.gov.ge/covid-chart/register/welcome

საქართველოს ტექნიკური უნივერსიტეტის რექტორს ბელოსტოკის ტექნოლოგიური უნივერსიტეტის საპატიო პროფესორის წოდება მიენიჭა

ჩხუბი მარტვილის ტაძარში - სასულიერო პირები ერთმანეთს დაუპირისპირდნენ

თუ ოპერაცია დროულად არ ჩატარდა, თომამ შეიძლება ვეღარ გაიაროს - 3 წლის ბიჭუნას დახმარება სჭირდება