"ქეთევანი ნაზას კაპ კანავერალიდან სპასექსის მისიის გაშვებამდე" - სალომე ზურაბიშვილი "ფეისბუქში" ქალიშვილის შესახებ წერს

საქართველოს პრეზიდენტი, სალომე ზურაბიშვილი "ფეისბუქში" პოსტს აქვეყნებს, სადაც ქალიშვილის, ქეთევანის შესახებ წერს. პოსტს თანდართული აქვს ქეთევანის ფოტო, სადაც ჩანს, რომ ის NASA-სა და SpaceX-ის კოსმოსური მისიის შესახებ ინფორმაციას აშუქებს.

"ქეთევანი ნაზას კაპ კანავერალიდან სპასექსის მისიის გაშვებამდე...თბილისის დროით 13.49," - წერს სალომე ზურაბიშვილი და აღნიშნავს, რომ შემდეგ ჯერზე ქეთევანი შეიძლება ბორტზეც კი მოხვდეს.

სოციალურ ქსელში პრეზიდენტის პოსტს დიდი გამოხმაურება მოჰყვა და საზოგადოების დიდმა ნაწილმა აქცენტი კვლავ "პრეზიდენტის ქართულზე" და მართლწერაზე გაამახვილა.

ზურაბიშვილი, სავარაუდოდ, "ნაზა"-ში ამერიკის კოსმოსურ სააგენტო ნასა-ს, ხოლო "სპასექსში" SpaceX -ს(სფეის იქსი) გულისხმობს.