კორონავირუსის ვაქცინაციის მსურველთა გასარკვევად შექმნილ ვებ-გვერდზე ამჟამად 64 101 მსურველია დარეგისტრირებული
ჯანდაცვის სამინისტროს მიერ კორონავირუსის ვაქცინაციის მსურველთა გასარკვევად შექმნილ სპეციალურ ვებ - გვერდზე, დღეს, 10:30 საათის მდგომარეობით, 4 101 მსურველია დარეგისტრირებული. მოქალაქეებს არსებული ვაქცინებიდან მაქსიმუმ სამის არჩევა შეუძლიათ.
მონაცემების მიხედვით, დარეგისტრირებულ მოქალაქეთა უმრავლესობას 60 868-ს "ფაიზერით“ ვაქცინაცია სურს.
"მოდერნას" ვაქცინით აცრის სურვილი 28565 ადამიანმა გამოთქვა. 12501 მოქალაქეს "ასტრაზენეკას“ გაკეთება უნდა, 8115 -ს კი „ჯონსონი და ჯონსონი“ აირჩია. რაც შეეხება "ნოვოვაქსით" აცრას მისი გაკეთების სურვილი 5502-მა ადამიანმა გამოთქვა, 4139 მოქალაქეს "სინოფარმით“ აცრა სურს, 792-ს კი "სინოვაკით“.
როგორც პორტალზეა აღნიშნული, წინასწარი რეგისტრაციის მიზანია ინფორმაციის მიღება COVID -19 ვაქცინაციის მსურველთა რაოდენობის შესახებ.
"ასევე გეძლევათ ვაქცინებს შორის არჩევანის გაკეთების შესაძლებლობა. COVID-19 ვაქცინაციაში მონაწილეობა შეუძლია 18 წელზე უფროს მოსახლეობას“, - აცხადებენ ჯანდაცვის სამინისტროში.
ცნობისთვის, მოქალაქეებს რეგისტრაციისას მაქსიმუმ სამი ვაქცინის არჩევის უფლება აქვთ.
"დიდება მოთმინებასა შენსა, უფალო იესო!" - დღეს წითელი პარასკევია
სტიქია კახეთში - განადგურებულია ვენახების ნაწილი
