ავტორი:

რუსეთი Sputnik V-ის სომხეთში წარმოების შესაძლებლობაზე საუბრობს - "რაც გამოუშვეს, ის არ გაუსაღებიათ და რატომ დასჭირდათ ახალი პარტიის წარმოება?!"

რუსეთი Sputnik V-ის სომხეთში წარმოების შესაძლებლობაზე საუბრობს - "რაც გამოუშვეს, ის არ გაუსაღებიათ და რატომ დასჭირდათ ახალი პარტიის წარმოება?!"

სომხეთში ოფიციალური ვიზიტით ჩასული რუსეთის საგარეო საქმეთა მინისტრისა და ადგილობრივ ხელმძღვანელობის შეხვედრა სამართალდამცველების მიერ აღმართული კორიდორის ფონზე წარიმართა.

სერგეი ლავროვი თავის სომეხ კოლეგას რუსეთის საელჩოში შეხვდა, სადაც გადრუტის რაიონიდან დევნილებმა აქცია გამართეს მოთხოვნით - დაგვაბრუნეთ ჩვენს სახლებში!.. აქციას ევროპული პარტიის ლიდერი, ტიგრან ხმზალიანი, თავის მხარდამჭერებთან ერთად უძღვებოდა.

აქციის ორგანიზატორებმა მიმართვა გაავრცელეს, რომელშიც ნათქვამი იყო, რუსეთის მიერ სომხეთის მიმართ წარმოებული პოლიტიკა, ქვეყნის სუვერენიტეტს ეწინააღმდეგება.

"რუსეთის მიმართ ნდობა დაკარგულია და მხოლოდ იმ შემთხვევაში აღდგება, თუ რუსეთი სომეხი სამხედრო ტყვეების გათავისუფლებაში ჩაერთვება... ამ სიტუაციაში, ლავროვის ვიზიტი ეწინააღმდეგება ჩვენს დამოუკიდებლობას და ის არასასურველ პერსონად ითვლება" - ნათქვამია განცხადებაში.

ადგილობრივების ცნობით, ბოლო წლების განმავლობაში, ეს პირველი შემთხვევაა, როდესაც სომხეთში რუსეთის ხელისუფლების ოფიციალურ წარმომადგენელს აქციებით დახვდნენ. თუმცა, ლავროვის ვიზიტის უკმაყოფილების მიზეზი, მხოლოდ აზერბაიჯანში მყოფი სომეხი სამხედრო ტყვეების ბედი არ ყოფილა;

რუსული ინტერნეტ გამოცემა interfax.ru იმ ინიციატივაზე წერს, რომელიც ერევანში ჩასულმა სერგეი ლავროვმა თავის კოლეგასთან არა აივაზიანთან შეხვედრისად გაახმოვანა. საუბარია, კორონავირუსის წინააღმდეგ რუსული ვაქცინის, sputnik V--ის სომხეთში წარმოების შესაძლებლობაზე, რამაც ადგილობრივი მოსახლეობის ნაწილი გააღიზიანა.

მათი ცნობით, საწარმოს აშენება სომხეთის ტერიტორიაზე, დიდი ალბათობით გიუმრის ბაზის მიმდებარედ იგეგმბა, რათა უსაფრთხოების ზომები დაცული იყოს, რაც უკვე აჩენს კითხვებს.

"რუსეთს ტერიტორიების დეფიციტი არ აქვს, რატომ მაინცდმაიანც ჩვენთან, მერამდენე საიდუმლო დაწესებულება თუ ბაზა უნდა აიგოს სომხეთში, რუსეთის ინტერესების სასარგებლოდ, ბოლოსდაბოლოს, დამოუკიდებელი ქვეყანა ვართ თუ არა?!.." - წერენ სომხები სოციალურ ქსელებში.

"რუსეთის გარდა არავის სჭირდება ეს რუსული ვაქცინა, ჩვენთან კი ჩამოიტანეს, მაგრამ ვიცი, რომ ყველა თავს იკავებს, არც აფხაზები და ოსები იჩენენ დიდ ინტერესს. აფრიკისა და სამხრეთ ამერიკის ქვეყნებს, ასევა ინდოეთს ჩავუტანეთო, ამბობს რუსული მედია, მაგრამ იქ მაინც "ასტრაზენეკას", "სინოფარმისა" და "ფაიზერის" გარშემოა რიგები... ჰოდა, ვის რაში სჭირდება სპუტნიკი? რაღაც განსაკუთებული მოთხოვნა რომ იყოს და მსოფლიოში მის ჩატანას ვერ აუდიოდნენ, კიდევ გასაგებია, რაც გამოუშვეს, ისიც კი არ გაუსაღებიათ ჯერ და რატომ დასჭირდათ ახალი პარტიის წარმოება, თან სომხეთში?.. იმედია, ამ კითხვაზე პასუხს ფაშინიანის გუნდი გაგვცემს..." - წერს აშოტ ავაკიანი.

"ფაშინიანი ძალიან შეშინებულია და ყველა მისაღები თუ მიუღებელი გზებით ცდილობს პუტინს ერთგულება დაუმტკიცოს. ანტირუსული განწყობები საგრძნობია და ასეთი მონური მორჩილება მას არც საარჩევნოდ მოუტანს სიკეთეს... არ გვინდა კიდევ ერთი საეჭვო საწარმო სომხეთში, ისედაც აღარ ვიცი ჩემი ქვეყნისა და რუსეთის პოლიტიკისა და ეკონომიკაში სად გადის ზღვარი. როგორი სტრატეგიული მოკავშირეც არის, ომის დროს ვნახეთ, ზურგი გვაქცია, მაგრამ სამაგიერიოდ, ახალ-ახალ მიზეზებს პოულობენ, რომ ცოცხალი ძალა თუ სამხედრო ტექნიკა გადმოსხან" - მიაჩნია ანაიდ გოგორიანს.

ამასთან, ლავროვის თქმით, რუსეთი უახლოეს თვეებში სომხეთისთვის სპუტნიკის ვაქცინის 1 მილიონი დოზის მიწოდებას გეგმავს. აქამდე, ოფიციალური ცნობით, რუსეთმა სომხეთს ვაქცინის 15 ათასი დოზა უსასყიდლოდ გადასცა. რუსული ვაქცინის პირველი პარტია სომხეთში 8 აპრილს ჩაიტანეს, ამის შესახებ სომხეთში რუსეთის ელჩი პაველ კუროჩიანი იტყობინება, თუმცა, არ არსებობს სტატისტიკა, რა როდენობით ადგილობრივი აიცრა რუსული ვაქცინით.