ავტორი:

კონტროლიდან გამოსული ჩინური რაკეტის პირველი ფოტო - ასტრონომებმა ის დედამიწასთან მოახლოებისას დააფიქსირეს

კონტროლიდან გამოსული ჩინური რაკეტის პირველი ფოტო - ასტრონომებმა ის დედამიწასთან მოახლოებისას დააფიქსირეს

ასტონომებმა დააფიქსირეს კონტროლიდან გამოსული ჩინური რაკეტა, რომელიც დიდი სიჩქარით დედამიწისკენ ეშვება. ფოტო Virtual Telescope Project-ზე მომუშავე ასტრონომებმა გადაიღეს.

მეცნიერები ასახელებენ სავარაუდო თარიღს, როცა რაკეტის ნამსხვრევები დედამიწამდე მოაღწევს და ეს სავარაუდო თარიღი 8 მაისია. ამის შესახებ საუბრობს ამერიკის თავდაცვის დეპარტამენტის სპიკერი მაიკ ჰოვარდი. რაკეტის მოძრაობის ტრაექტორიას აკვირდება აშშ-ის კოსმოსური სარდლობა, თუმცა ამ ეტაპისთვის ვერ ასახელებენ ადგილს, სადაც შეიძლება მისი ნამსხვრევები ჩამოვარდეს.

ჩინელებმა აღნიშნული რაკეტა გასულ კვირას, კოსმოსური სადგურის ნაწილის გასაშვებად გამოიყენეს. მოგვიანებით კი, მან კონტროლი დაკარგა.

მიუხედავად იმისა, რომ ატმოსფეროში შემოსვლისას ნამსხვრევების უმეტესობა დაიწვება, ყოველივე მეცნიერებისთვის მაინც შემაშფოთებელია, ვინაიდან საუბარია გიგანტური ზომის რაკეტაზე, რომელიც 22 ტონას იწონის, ხოლო სიმაღლე 30 მეტრია და თუ დასახლებულ ადგილებში მოხვდება მისი რომელიმე ნატეხი, შესაძლოა, დიდი ზიანი გამოიწვიოს.

აღნიშნულ საკითხზე ოფიციალური კომენტარი გააკეთეს ჩინეთში. ჩინელი მეცნიერები ამბობენ, რომ ადამიანებს არავითარი საფრთხე არ ემუქრებათ.

"გამარჯვების მემკვიდრეებად ყოფნის პრეტენზიები ვერ გაამართლებს დღევანდელ "გამარჯვებებს" უკრაინის და საქართველოს ტერიტორიების ნაწილების ანექსიაში" - ლინას ლინკევიჩუსი

ინდოეთში COVID-19-ით გარდაცვალების რეკორდული მაჩვენებელი დაფიქსირდა

ჩინეთის რაკეტის ნამსხვრევები ინდოეთის ოკეანის თავზე დაიშალა