პატრიარქის ძმისშვილი, მეუფე დიმიტრი "სინოფარმის" ვაქცინით აიცრა

პატრიარქის ძმისშვილი, ბათუმისა და ლაზეთის ეპარქიის მღვდელმთავარი, მეუფე დიმიტრი შიოლაშვილი კორონავირუსის საწინააღმდეგო "სინოფარმის" ვაქცინით აიცრა.

ვაქცინაციის დროს გადაღებული მეუფე დიმიტრის ფოტო მედიაში გავრცელდა.

როგორც მეუფემ განაცხადა, თავს კარგად გრძნობს. მისივე თქმით, პანდემიის დასასრულებლად ერთადერთი გზა ვაქცინაციაა.

"კიდევ ერთხელ ვსარგებლობ შემთხვევით და ექიმებს მადლობა ვუხდი“, - განაცხადა მიტროპოლიტმა.

აღსანიშნავია, რომ მაღალი იერარქიის სასულიერო პირებიდან ის პირველია, რომელმაც კოვიდის საწინააღმდეგო ვაქცინა გაიკეთა.