"...ევროპაში ასე მუშაობს დემოკრატია!" - რა მიმართვას უგზავნის ანდრიუს კუბილიუსი "ნაციონალურ მოძრაობას"?
ევროპარლამენტარი ანდრიუს კუბილიუსი საქართველოში „ერთიანი ნაციონალური მოძრაობის“ წევრებს მოუწოდებს, ხელი მოაწერონ ევროპული საბჭოს პრეზიდენტის შუამავლობით ინიცირებულ შეთანხმებას და საპარლამენტო მუშაობას შეუერთდნენ.
"ჩემო ძვირფასო მეგობრებო საქართველოში "ერთიანი ნაციონალური მოძრაობიდან"! მსურს მოგიწოდოთ, ხელი მოაწეროთ შეთანხმებას და შეუერთდეთ პარლამენტს. საქართველოს სჭირდება ძლიერი და კონსტრუქციული საპარლამენტო ოპოზიცია, რათა მთავრობის კონტროლი გახდეს ეფექტური. ევროპაში ასე მუშაობს დემოკრატია! იმედი მაქვს, რომ საქართველოში იგივეს ვიხილავ“, - წერს კუბილიუსი „ტვიტერზე“.