ისრაელი კვლავ იბომბება  - სდეროთში განხორციელებული სარაკეტო თავდასხმისას ორი სახლი დაინგრა, დაჭრილია ერთი პირი

ისრაელის ინფორმაციით, ღაზას სექტორიდან მისი ტერიტორია კვლავ იბომბება. კონკრეტულად კი ამჟამად ვრცელდება ინფორმაცია, რომ ქალაქ სდეროთში ღაზას სექტორიდან განხორციელებული ბოლო სარაკეტო თავდასხმისას ორი სახლი დაინგრა და ერთი პირი დაიჭრა.

ისრაელის თავდაცვის ძალები იუწყება, რომ დილის 7 საათიდან ღაზას სექტორიდან ისრაელის ტერიტორიის მიმართულებით 140-მდე რაკეტა ისროლეს. მათივე ცნობით, 30 რაკეტა ღაზას ტერიტორიაზევე დაეცა, ხოლო ისრაელის საჰაერო თავდაცვითმა სისტემა „რკინის გუმბათმა“ ათობით რაკეტა გაანეიტრალა.