"გვიხდიან, რომ ვიმსახუროთ და არა იმისთვის, რომ მოვკვდეთ" - პოლიციელებმა საფრანგეთში აქცია გამართეს და მეტი უსაფრთხოება მოითხოვეს

პარიზში პოლიციის თანამშრომლებმა მასშტაბური საპროტესტო აქცია გამართეს, სადაც ხელისუფლებას სამართალდამცველების მეტი დაცვა მოსთხოვეს.

მათ პროტესტი გამოხატეს კოლეგებზე გახშირებული თავდასხმებისა და მათ წინაშე არსებული მზარდი საფრთხეების გამო. პარლამენტთან გამართულ აქციაზე ათასობით პოლიციელმა შესაბამისი კანონი მოითხოვა, რაც მათ დაიცავს, შეურაცხყოფისთვის კი პატიმრობა იქნება გარანტირებული.

მათ ბანერები გამოფინეს წარწერით: „გვიხდიან, რომ ვიმსახუროთ და არა იმისთვის, რომ მოვკვდეთ“.

აქციის დაწყებამდე პოლიციელებმა წუთიერი დუმილით პატივი მიაგეს სამსახურებრივი მოვალეობის დროს მოკლული კოლეგების ხსოვნას.