"შევიგრძნოთ ნამდვილი თავისუფლების და დამოუკიდებლობის ფასი" - ვარლამ გოლეთიანი საზოგადოებას 26 მაისს არა აღლუმზე, არამედ მათთან მისვლისკენ მოუწოდებს

"ნამახვანჰესის" მშენებლობის წინააღმდეგ მიმდინარე აქციის მონაწილეები მსვლელობით თავისუფლების მოედნისკენ მიემართებიან. აღნიშნულის შესახებ აქციის ერთ-ერთმა ორგანიზატორმა ვარლამ გოლეთიანმა იუსტიციის სახლთან შეკრებილ საზოგადოებას მოუწოდა.

"ახლა დავიძვრებით თავისუფლების მოედნისკენ და იქ შევახსენებთ ხელისუფლებას, რომ 26 მაისი არის ჩვენი დღე და მოვუწოდებთ მთელ საზოგადოებას, რომ 26 მაისს, არ უნდა მივიდნენ იმ აღლუმზე და მოვიდნენ ჩვენთან.

ჩვენ უნდა ვთქვთ, რომ ეს ქვეყანა გვეკუთვნის ჩვენ და ერთხელ და სამუდამოდ შევიგრძნოთ ნამდვილი თავისუფლების და ნამდვილი დამოუკიდებლობის ფასი, არა მოჩვენებითი, არამედ, ნამდვილი და ამ პროცესში მივიღოთ თითოეულმა ჩვენგანმა მონაწილეობა“, - განაცხადა გოლეთიანმა.