ავტორი:

დღეიდან, საქართველოს 93-ვე დაცულ ტერიტორიაზე ვიზიტორთა მიღება განახლდა - როდის გაიხსნება სეზონი აჭარაში?

დღეიდან, საქართველოს 93-ვე დაცულ ტერიტორიაზე ვიზიტორთა მიღება განახლდა - როდის გაიხსნება სეზონი აჭარაში?

მარტვილის კანიონი, ოკაცეს კანიონი, ოკაცეს ჩანჩქერი, პრომეთეს მღვიმე, სათაფლია 26 მაისიდან მუშაობას აახლებს. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

მათივე ცნობით, მოგზაურობის მოყვარულებს უკვე შესაძლებლობა აქვთ, საქართველოს 93-ვე დაცული ტერიტორია მოინახულონ.

„სათაფლიაში ახალი ეკოტურისტული ბილიკი გაიხსნა, რომელიც მარტივი საფეხმავლოა და ბუნებაში განტვირთვის საშუალებას იძლევა. გარდა ამისა, ვიზიტორებს საშუალება აქვთ, ისიამოვნონ დინოზავრების პარკის, მუზეუმის, დინოზავრის საკონსერვაციო ნაგებობისა და შუშის პანორამული გადმოსახედის ხილვით. სარეაბილიტაციო სამუშაოების გამო, ვიზიტორთა მიღება დროებით შეჩერებულია სათაფლიას მღვიმეში, თუმცა სულ მალე აღდგება. ოკაცეს ჩანჩქერზე ზიპ-ლაინი განახლდა, რომლის სიგრძე 700 მეტრამდეა და ექსტრემალური თავგადასავლების მოყვარულებს დაუვიწყარ თავგადასავალს ჰპირდება.

სამუშაო საათები:

  • პრომეთეს მღვიმე: ყოველდღე 10:00 - 18:00
  • სათაფლიას მღვიმე: ყოველდღე 10:00 - 18:00
  • ოკაცეს კანიონი: ყოველდღე 10:00 - 18:00
  • ოკაცეს ჩანჩქერი (სოფ.კინჩხა): ყოველდღე 10:00 - 18:00
  • მარტვილის კანიონი: ყოველდღე 10:00 - 18:00
  • საყურადღებოა, რომ დაცულ ტერიტორიებზე მოგზაურობა დასაშვებია ყველა იმ რეგულაციის გათვალისწინებით, რომელიც საქართველოს მთავრობისა და ჯანდაცვის მსოფლიო ორგანიზაციის მიერ არის დადგენილი.

მოგზაურთათვის რეკომენდებულია თანხის გადახდა უკონტაქტო გზით ან ბილეთების შეძენა დისტანციურად, ვებგვერდის https://guru.ge/ საშუალებით,“ - ნათქვამია ინფორმაციაში.

ამასთან, ზაფხულის ტურისტული სეზონის გახსნისთვის ემზადება აჭარა.

როგორც აჭარის ტურიზმის დეპარტამენტის ხელმძღვანელი თინათინ ზოიძე ,,ბიზნესპრესნიუსთან“ საუბრისას აცხადებს, რეგიონში სტუმრების მისაღებად 300-მდე ობიექტი უკვე მზადაა. სწორედ ამდენი ობიექტი აკმაყოფილებს ჯანდაცვის სამინისტროს მოთხოვნებს.

,,ეპიდემიოლოგიური ვითარება როგორც რეგიონში, ასევე მთელს ქვეყანაში, გვაძლევს საშუალებას, რომ ტურისტულმა ობიექტებმა ფუნქციონირება განაახლონ. ცხადია, რეგულაციების დაცვით. წელს, ტურიზმი მთელს მსოფლიოში ნიშნავს ინფიცირების სტატისტიკას, ამიტომ უმნიშვნელოვანესია ეპიდემიის კონტროლი, რაც ტურისტული საქმიანობის განვითარების საშუალებას გვაძლევს. ჩვენთან, ტურისტულმა ობიექტებმა უკვე აქტიურად დაიწყეს მზადება ზაფხულის სეზონისთვის. 300-მდე ობიექტია უკვე აჭარაში, რომელიც აკმაყოფილებს ჯანდაცვის სამინისტროს მიერ დადგენილ სტანდარტებს და შესაბამისად, აქვთ საშუალება უმასპინძლონ სტუმრებს. იგივე პროცესი მიმდინარეობს სხვა ტურისტულ ობიექტებშიც.

წელს როგორც კერძო სექტორს, ასევე სახელმწიფოს აქვს განსაკუთრებული პასუხისმგებლობა მოქალაქეებთან ერთად. აჭარაში ტურისტული სეზონის გახსნა ოფიციალურად ივნისის თვეშია ჩანიშნული და მიმდინარეობს აღნიშნულ საკითხზე აქტიური მუშაობა, რომ ყველა ობიექტი იყოს გახსნილი“, - ამბობს ზოიძე.

,,ბიზნესპრესნიუსი“ დაინტერესდა, გასულ წელს, რეგიონში მეორე ტალღის ეპიდაფეთქების შემდეგ, როგორია მიღებული გამოცდილება და ზომები, რომლითაც აჭარა 2021 წლის ზაფხულის ტურისტულ სეზონს ხვდება. წაიკითხეთ სრულად

რა თანხა დაიხარჯა კოვიდპაციენტების დიაგნოსტიკასა და მკურნალობაზე პანდემიის დაწყებიდან დღემდე - ჯანდაცვის სამინისტროს მონაცემები

საქართველოში კრიპტოვალუტის წარმოებისთვის ელექტროენერგიის მოხმარება გაიზარდა - რომელი კომპანიები ხარჯავენ ყველაზე მეტ დენს

"მინდა, გავიგო რას აპირებს გახარია" - ირაკლი ღარიბაშილი