ავტორი:

სოფელ გუმათში პოლიციასა და "ნამახვანჰესის“ მოწინააღმდეგეთა დაპირისპირებისას 8 ადამიანი დააკავეს - შსს

სოფელ გუმათში პოლიციასა და "ნამახვანჰესის“ მოწინააღმდეგეთა დაპირისპირებისას 8 ადამიანი დააკავეს - შსს

შსს-ს ინფორმაციით, გუმათში "ნამახვანჰესის“ მოწინააღმდეგეებსა და პოლიციას შორის მომხდარი დაპირისპირებისას 8 პირია დაკავებული

შინაგან საქმეთა სამინისტროს ინფორმაციით, სოფელ გუმათში პოლიციასა და "ნამახვანჰესის“ მოწინააღმდეგეთა დაპირისპირების დროს 8 პირი დააკავეს

როგორც "ინტერპრესნიუსს“ უწყებაში განუცხადეს, აქციის მონაწილეთა დაკავება ადმინისტრაციული წესით მოხდა.

შეგახსენებთ, სოფელ გუმათში, სადაც ბარიკადებია აღმართული, "ნამახვანჰესის“ მოწინააღმდეგეებსა და სამართალდამცველებს შორის დაპირისპირება მოხდა. აქციის მონაწილეები რკინის ჯებირის მიღმა გადასვლას და ნამახვანისკენ წასვლას ცდილობდნენ, რისი უფლებაც პოლიციამ არ მისცა.

სოფელ გუმათში აქცია გრძელდება. "ნამახვანჰესის“ მოწინააღმდეგეები რკინის ბარიკადებს ხელებს ურტყამენ და ამ ფორმით ცდილობენ პროტესტის გამოხატვას.

როგორც "რიონის ხეობის მცველების“ წარმომადგენელმა, ვარლამ გოლეთიანმა განაცხადა, პროტესტის ამგვარი ფორმით გამოხატვა მთელი ღამის განმავლობაში გაგრძელდება.

ამასთან, მან მოუწოდა აქციის მონაწილეებს, რომ გუმათში ყოველ საღამოს გაიმართოს "ნამახვანჰესის" მოწინააღმდეგეებს შორის დიალოგი.

"ყოველ საღამოს გაიმართოს საგნობრივი საუბრები აქ და ყოველ საღამოს ვიყოთ აქ", - აცხადებს გოლეთიანი

მისივე თქმით, "რიონის ხეობის მცველებმა" გუმათში დგომით, უნდა უზრუნველყონ ის, რომ ჰესის მშენებელმა კომპანიამ ტერიტორიაზე გადაადგილება ვერ შეძლოს.

"უზრუნველვყოთ ხმაური იყოს გამაყრუებელი და ხელისუფლებამ უკანონო გადაწყვეტილება უკან წაიღოს. ეს დანაშაული მათვე ინსტიტუციების მიერაა აღიარებული. უზრუნველვყოთ ჩვენი უფლებები, დავიცვათ კანონი და ჩვენი ქვეყნის ინტერესი", - აცხადებს გოლეთიანი.

"კისრის არეში 19 ჭრილობა აღენიშნებოდა, გარდაცვალება კი მწვავე სისხლნაკლებობამ გამოიწვია" - რა წერია კასპში მოკლული ნოდარ ღუნაშვილის ექსპერტიზის დასკვნაში

"ლიბერთი ბანკიდან" 3.5 მილიონი ლარი მოიპარეს - თანხის დაკარგვისთვის ყოფილ მენეჯერსა და 14 თანამშრომელს უჩივიან

"სამართალდამცავები ამცირებდნენ, ეუბნებოდნენ, მოვიდეს ახლა ვარლამი, გადაიხადოს ჯარიმებიო..." - რას ყვება ადვოკატი გუმათში დაკავებულების შესახებ