"ექსპერიმენტი ჩავატარე და ვცადე თონის სიმულაციის გაკეთება. შედეგი არის უგემრიელესი..." - როგორ გამოაცხო კალიფორნიელმა მამაკაცმა ქართული თონის პური

"გამარჯობა კალიფორნიიდან! ექსპერიმენტი ჩავატარე და ვცადე თონის სიმულაციის გაკეთება ღუმელში აგურების მოთავსებით. შედეგი არის უგემრიელესი ქართული თონის პური" - წერს კალიფორნიელი ჯეკ ფერმონი და "ფეისბუქ-ჯგუფში" Spend 4 Seasons in Georgia და საკუთარი შემოქმედების ფოტოებსაც გვიზიარებს.

ცნობისთვის, ამ ჯგუფში საქართველოს, ქართული კულტურისა და ქართველების მიმართ სიყვარულს ასობით უცხოელი ემოციური პოსტებით გამოხატავს. უამრავი თბილი მოლოცვა მოგვიძღვნეს ასევე 26 მაისს, საქართველოს დამოუკიდებლობის დღეს.