"დანარჩენი ოპოზიციის ხარჯზე ფონს გასვლა, არაკონსტრუქციული პოლიტიკის ნიშანია" - რას ამბობს ევროპარლამენტარი იმის შესახებ, რომ "ნაცმოძრაობა" შარლ მიშელის დოკუმენტს ხელს არ აწერს
ძალიან სამწუხაროა, რომ "ნაციონალურმა მოძრაობამ" გადაწყვიტა , რომ ხელი არ მოაწეროს 19 აპრილის შეთანხმებას, - ამის შესახებ ევროპარლამენტარმა ვიოლა ფრონ კრამონმა სოციალურ ქსელში დაწერა.
"ხელშეკრულება ხელს უწყობს სასამართლო სისტემის გაუმჯობესებას და უფრო სამართლიანი საქართველოს პარლამენტის ჩამოყალიბებას. პოლიტიკური პასუხისმგებლობის თავიდან აცილება და დანარჩენი ოპოზიციის ხარჯზე ფონს გასვლა, არაკონსტრუქციული პოლიტიკის ნიშანია", - წერს კრამონი "ტვიტერზე".
ცნობისთვის, პარტიის პოლიტსაბჭოს გადაწყვეტილებით, "ნაციონალური მოძრაობა" პარლამენტში შედის, მაგრამ ევროპული საბჭოს პრეზიდენტის შარლ მიშელის მედიაციით მიღებულ დოკუმენტს ხელს არ აწერს.