"პოლიციელთა შვილებო - თქვენ საამაყო მშობლების შვილები ხართ!" - ვახტანგ გომელაური პატარებს ბავშვთა დაცვის დღეს ულოცავს

შინაგან საქმეთა მინისტრი ვახტანგ გომელაური ბავშვებს ბავშვთა დაცვის საერთაშორისო დღეს ულოცავს. მისალოც წერილს უწყება ავრცელებს. გომელაური განსაკუთრებით პოლიციელების შვილებს ულოცავს.

"ყველა ბავშვს ვულოცავ ბავშვთა დაცვის საერთაშორისო დღეს! განსაკუთრებით კი, მინდა ეს დღე პოლიციელთა შვილებს მივულოცო - ბავშვებო, თქვენ საამაყო მშობლების შვილები ხართ!

მე ძალიან კარგად ვიცი, რომ თქვენი მშობლები, დედები და მამები ხშირად ვერ ახერხებენ თქვენთან დიდხანს ყოფნას, რადგან ამ დროს ისინი თქვენი და სხვა ბავშვების უსაფრთხოებაზე ზრუნავენ და ემსახურებიან სამშობლოს. ყველა ბავშვს ვუსურვებ მშვიდობას, ლაღ, უდარდელ წლებს და უსაფრთხო ცხოვრებას" - წერია მინისტრის წერილში.