"ნაცმოძრაობის" წევრებს პარლამენტის შესასვლელთან "პუფების სირცხვილის კორიდორით" დახვდნენ - "მათ გადაუხვიეს ყველანაირ პრინციპს"

პარლამენტის შესასვლელთან „ნაციონალური მოძრაობის“ ლიდერების დასახვედრად აქტივისტები „სირცხვილის კორიდორს“ აწყობენ.

აქციის მონაწილეები პარლამენტში „ნაციონალური მოძაობის“ შესვლას აპროტესტებენ. მათ პარლამენტის ერთ-ერთ შესასვლელთან „პუფებიც“ აქვთ მიტანილი და აცხადებენ, რომ „ნაციონალური მოძრაობის“ ლიდერებს სწორედ ამ „პრინციპული პუფების“ კორიდორის გავლა მოუწევთ.

„ეს არ არის ჩვენი დარქმეული სახელი, თვითონ გადაწყვიტეს, რომ ვინც პარლამენტში შევიდოდა, ის იქნებოდა უბრალოდ „პუფი“. უნდა ვკითხოთ ნიკა მელიას, ისევ ასე ფიქრობს? ვინც პარლამენტში შედის „პუფია“ თუ არა? მთლიანი გაერთიანების მიმართ გვაქვს პრეტენზიები. მათ გადაუხვიეს ყველანაირ პრინციპს“, - განაცხადა აქციის მონაწილემ.