"გადმოგცემთ ჩემს შვილს, ყველა ტყვეს სანაცვლოდ" - რა შეუთვალა ნიკოლ ფაშინიანმა ილჰამ ალიევს?
სომხეთის პრემიერ - მინისტრის მოვალეობის შემსრულებლის ნიკოლ ფაშინიანის განცხადებით, მზად არის საკუთარი ვაჟი აზერბაიჯანში დატყვევებულ ყველა სომეხ სამხედროზე გაცვალოს, რომლებსაც ერევანში სამხედრო ტყვეებად მიიჩნევენ.
ორშაბათს ფაშინიანმა განაცხადა, რომ ტყვეები „ბაქოს ციხეებში იბრძვიან სომხეთის დამოუკიდებლობისა და სუვერენიტეტისთვის. ისინი არ გვაპატიებენ, თუკი მათი თავისუფლებისთვის მსხვერპლად შევწირავთ ქვეყნის დამოუკიდებლობასა და სუვერენიტეტს“.
მისი ამ განცხადების შემდეგ, სომხეთის ყოფილმა პრეზიდენტმა სერჟ სარგსიანმა ფაშინიანს შესთავაზა, თავისი შვილი გადასცეს აზერბაიჯანს და მის ნაცვლად დაიბრუნოს 20-25 სამხედრო ტყვე.
"მე ვამბობ, რომ თანახმა ვარ. ოფიციალურად ვეუბნები აზერბაიჯანის პრეზიდენტ ალიევს - გადმოგცემ ჩემს შვილს ტყვეების სანაცვლოდ. ოფიციალურად ვაცხადებ, გადმოგცემთ ჩემს შვილს ყველა ტყვეს სანაცვლოდ“, - განაცხადა ფაშინიანმა.
არეულობა კუბაში, დაშავებულები და ათობით დაკავებული - რა ხდება ქვეყანაში, სადაც საკვებისა და მედიკამენტების დეფიციტის გამო ათასობით ადამიანი ქუჩაში გამოვიდა
ტრაგედია ერაყში - საავადმყოფოში, სადაც კოვიდინფიცირებულებს მკურნალობდნენ, ხანძრის შედეგად დაღუპულთა რაოდენობა 66-მდე გაიზარდა
