ავტორი:

"აშშ-დან დაბრუნებული ქალიშვილის სანახავად მიდიოდა, როცა სატვირთო შეეჯახა მის მანქანას" - რას ყვებიან "ნიუ ჰოსპიტალთან" მომხდარი ავარიისას გარდაცვლილ მუსიკოსზე მეგობრები

"აშშ-დან დაბრუნებული ქალიშვილის სანახავად მიდიოდა, როცა სატვირთო შეეჯახა მის მანქანას" - რას ყვებიან "ნიუ ჰოსპიტალთან" მომხდარი ავარიისას გარდაცვლილ მუსიკოსზე მეგობრები

12 ივნისს, კრწანისის ქუჩაზე მომხდარ ავარიას გუშინ მესამე ადამიანი ემსხვერპლა. "ნიუ ჰოსპიტალის“ ეზოში სატვირთო მანქანის შეჯახების შედეგად დაშავებულ 49 წლის მურმან ლომიშვილის სიცოცხლის გადასარჩენად ორი დღე იბრძოდნენ ექიმები, თუმცა ტრავმა სიცოცხლესთან შეუთავსებელი აღმოჩნდა. გარდაცვლილი მამაკაცი მუსიკალურ წრეებში ცნობილი და ყველასთვის საყვარელი დრამერია, რომელიც წლების წინ, "მთვარის კლუბის“ ერთ-ერთი დამფუძნებელი გახლდათ...

მურმანს გუშინ სოციალურ ქსელში კოლეგები იხსნებდნენ.

ია მანიჟაშვილი და მისი მეუღლე დავი უკვე წლებია ამერიკაში ცხოვრობენ და ახლოს იცნობდნენ როგორც გარდაცვლილს, ასევე მის შვილებს, რომელთაგანაც ერთ-ერთმა მამის გზა აირჩია და კარიერის გასაგრძელებლად შტატებში წავიდა...

ია მანიჟაშვილი:

- მურმანს ორი შვილი ყავს - თინა და ამირანი... ორივე ამერიკაში ცხოვრობს. ამირანი მამის კვალს გაყვა და მუსიკოსია, აქ ნიუ - იორკში ბენდი - "the pandemic" ჰყავს. თინა ცოტა ხნის წინ დაბრუნდა საქართველოში, მამის და ახლობლების სანახავად. სწორედ თინას სანახავად მიდიოდა მურმანი და მისი საცხოვრებელ კორპუსთან კრწანისის ქუჩაზე შეუხვია, დაპარკინგებაც ვერ მოასწრო, როცა სატვირთო მას და კიდევ რამდენიმე მანქანას შეეჯახა. ორი დღე იბრძოდნენ ექიმები მის გადასარჩენად. ხერხემლის მძიმე დაზიანება ჰქონდა, სიცოცხლისთვის შეუთავსებელი ტრამვების გამო გარდაიცვალა. რამდენიმე კვირაში ხმის ჩამწერ სტუდიას ხსნიდა ბაგებში, გოგიტა მაისურაძესთან ერთად და აი, ასეთი მოულოდნელი, ტრაგიკული ამბავი მოხდა.

ჩვენმა ქვეყანამ დაკარგა სასწაულად ნიჭიერი მუსიკოსი, პროფესიონალი, თავმდაბალი, უკეთილშობილესი ადამიანი. ოჯახი ახლა ძალიან მძიმე მდგომარეობაშია, მეორე შვილიც მოფრინავს საქართველოში.

- ია, მურმანს ძალიან ახლოს იცნობდნენ მუსიკალურ წრეებში, თქვენც ალბათ პროფესიული მეგობრობა გქონდათ?

- 2006 წელს ერთ-ერთ რადიოში დავიწყე მუშაობა, სადაც მურმანი ხმის რეჟისორად მუშაობდა, იქ დაიწყო ჩვენი მეგობრობა. როცა გავიგე "მთვარის კლუბში" უკრავდა, გამიხარდა, გაუკვირდა, რომ მათი ყველა სიმღერა ვიცოდი. ხომ იცით, როგორც ხდება, ყველამ სოლისტი იცის, დრამერი და გიტარისტები ან კლავიშზე ვინც არის, ნაკლებად ამახსოვრდება ხალხს.. არადა, კარგი მუსიკალური ჯგუფი სწორედ კარგი მუსიკოსებისგან შემდგარი ერთობა და ჰარმონიაა. ეს იყო ადამიანი დღესასწაული თავისი გამორჩეული იუმორით.

მახსოვს რადიოში თვეების განმავლობაში ხელფასს არ გვიხდიდნენ, ყველანი ვაპროტესტებდით, მოთხოვნებს ვუყენებდით ჩვენ მაშინდელ უფროსს. მურმანს არასოდეს არაფერი უთქვამს თავის საქმეს ჩუმად აკეთებდა. ჩვენ პატარები ვიყავით, ის ჩვენზე უფროსი იყო - 30-32 წლის. რომ ხედავდა ხელფასს არ გვიხდიდნენ, გადიოდა შუადღეს, ლანჩი მოჰქონდა ყველასთვის და გვიმასპინძლდებოდა. გგონიათ ერთხელ? - თვეების განმავლობაში აკეთებდა ამას. ეს დღემდე დაუვიწყარია ჩემთვის.

დავი (მუსიკოსი, მურმან ლომიშვილის უახლოესი მეგობარი):

- მურმანი გავიცანი დაახლოებით 20 წლის წინ. ერთ-ერთ რადიოში ერთად ვმუშაობდით. იმ დღიდან მოყოლებული ამ ადამიანით ვიყავი აღფრთოვანებული. ის იყო უნიჭიერესი მუსიკოსი, ხმის რეჟისორი, დრამერი, ლეგენდარული ჯგუფის " მთვარის კლუბის" ერთ-ერთი დამფუძნებელი. რაც ყველაზე მთავარი და აღსანიშნავია, იყო უნიკალური ადამიანი. ადამიანი რომელიც მუდამ სხვებზე ფიქრობდა, რომელიც ყველას იმედი იყო. გამოირჩეოდა თავისი ასევე უნიკალური იუმორით. პირადად მე, უამრავი რამ ვისწავლე მისგან, როგორც ხმის რეჟისურაში, ასევე ისიც, თუ როგორი უნდა იყოს კარგი ადამიანი.

მას ჰქონდა უამრავი გეგმა, ჯგუფთან ერთად ახალ პროგრამზე მუშაობდა, გახსნეს ძალიან მაგარი სტუდია. მე და მისი შვილი ამირანი ამერიკაში შევხვდით და აქ ვაკეთებთ მუსიკას, გვაქვს სტუდია, "აუდიო-ვიდეო პროდაქშენი". თითქმის ყოველდღიურად კონტაქტზე ვიყავით მურმანთან. ვეკითხებოდით რჩევებს. ამირანი - მისი შვილი, აქ გეგმავდა მურმანის ჩამოყვანას, რომ ჩვენთან ერთად გაეგრძელებინა სტუდიაში მუშაობა. იყო უამრავი გეგმა. ჩვენ ისე დაგვემართა - კაცი ბჭობდა, ღმერთი იცინოდაო. ღმერთს თურმე თავისი გეგმები ჰქონია მუროსთან დაკავშირებით. მიჭირს მასზე წარსულში რომ ვლაპარაკობ, მაგრამ ერთი შემიძლია ვთქვა, რომ ასეთი უნიკალური ადამიანები თითქმის აღარ არიან.

ია მანიჟაშვილი:

- მურმან ლომიშვილის მუსიკალური მოღვაწეობა ბავშობაში "ნერგებიდან" იწყება. მერე 90-იან წლებში საუკეთესო მეგობრებთან ლევან ქუმსიაშვილთან (ვოკალი) და გოგიტა მაისურაძესთან (კლავიში) ერთად ჩამოაყალიბა ჯგუფი "მთვარის კლუბი“ თვითონ დრამზე უკრავდა.

ქალიშვილთან ერთად

მთვარის კლუბის“ სიმღერების უმრავლესობა როკ-ბალადაა - "ოქროს ფოთოლთა ლივლივი“, "ფრთებს“, "ოცნება ზღვების“, "გაზაფხული“, "მე გაზაფხულზე გეპატიჟებით“და სხვა უამრავი ჰიტია მათ შემოქმედებაში.

"მთვარის კლუბი“ თბილისში ერთ-ერთი პირველი მუსიკალური კლუბი გახლდათ, რომელმაც გააერთიანა უამრავი მუსიკოსი : “ზუმბა“, "ინსაიტი“, "33 ა“, "აუტსაიდერი“ და სხვ. ეს მცირე ჩამონათვალია იმ შემსრულებლების და ჯგუფების, რომლებიც სხვადასხვა წლებში სწორედ ამ კლუბმა და მათმა სარეპეტიციომ გააერთიანა და საშუალება მისცა მუსიკოსებს ბნელ 90-იანებში გაეკეთებინათ საკუთარი ჩანაწერები და ალბომები. უდიდესი ენთუზიაზმით ეხმარებოდნენ იმჟამინდელ მუსიკოსებს და ჯგუფებს. მურმანი ამ თემაზე ხმამაღლა არასოდეს ლაპარაკობდა, როგორც ყველა ნიჭიერი ადამიანი, სასწაული თავმდაბლობით გამოირჩეოდა...

მურანის და ჯგუფ "მთვარის კლუბის“ პროექტია ცნობილი "33ა"-ს ვიდეოში "ქარი ქრის“ ასახული მოგზაურობა მატარებლით დადიოდნენ ქალაქ-ქალაქ მატარებლის ვაგონით მართავდნენ კონცერტებს და ეძებდნენ ქუთაისში, ბათუმში და სხვა რეგიონებში ნიჭიერ მუსიკოსებს და ჯგუფებს. მათი დამსახურებით დღეს ძალიან ბევრი მუსიკოსი იცის საზოგადებამ.

ის საქართველოში ერთ-ერთ საუკეთესო ხმის ინჟინერი იყო. პროექტი "ანა - ბანა“ და "რუსთავი2“-ის უამრავი გადაცემა, უდიდესი გალა კონცერტები, ფესტივალები, რომლებიც საქართველოს სხვადასხვა კუთხეში იმართებოდა, სწორედ მურმანის დიდი წვლილით მომზადდა. მისი ერთ - ერთი ყველაზე დიდი პროექტი განახლებული ბათუმის ოპერა იყო. აკუსტიკურად ოპერა სწორედ მისი დაპროექტებულია.

“თეგეტა ქონსთრაქშენ ექვიფმენთი“ საგზაო-სამშენებლო ტექნიკის ბრენდების - Bomag-ისა და Marini-ს ოფიციალური წარმომადგენელი გახდა

საქართველოში კორონავირუსით ინფიცირების 671 ახალი შემთხვევაა - როგორია ბოლო დღე-ღამის ტესტირების შედეგები რეგიონების მიხედვით

საქართველოში რამდენიმე წუთის წინ მიწისძვრა მოხდა - სად იყო ეპიცენტრი?