შეიარაღებული დაპირისპირება ქუთაისში - დაჭრილია შუახნის მამაკაცი
ქუთაისის ცენტრში შეიარაღებული დაპირისპირება იყო. "მთავარი არხის“ ინფორმაციით, ჭავჭავაძის გამზირზე შუახნის მამაკაცი დაჭრეს, რომელიც ამ დროისთვის ქუთაისის საავადმყოფოშია გადაყვანილი.
თვითმხილველები ჰყვებიან, რომ ორ მამაკაცს შორის სიტყვიერი შელაპარაკება მალე ფიზიკურ დაპირისპირებაში გადაიზარდა, შემდეგ კი, ერთ-ერთმა მათგანმა მეორეს იარაღიდან ესროლა.
"აქედან მორბოდა ერთი ადამიანი და უკან ხანში შესული კაცი მოსდევდა, სამჯერ გაისროლეს“
"მე ბენზინს ვასხამდი და სროლა-სროლით გარბოდნენ“, - ამბობენ თვითმხილველები.
"მთავარის“ ცნობით, ადგილზე გვიან ღამემდე მობილიზებული იყო პოლიცია და საგამოძიებო მოქმედებები მიმდინარეობდა. ბრალდებული პოლიციას ჯერ არ დაუკავებია.
შსს-მ გამოძიება სხეულის განზრახ მძიმე დაზიანებისა და ცეცხლსაწინააღმდეგო იარაღის მართლსაწინააღმდეგოდ შეძენა, შენახვა, ტარების მუხლებით დაიწყო.
მედიის წარმომადგენლების მიმართ ძალადობის ფაქტზე კიდევ 4 პირი დააკავეს - რამდენი პირია სულ დავაკვებული
პარლამენტთან გამართულ აქციაზე 100 პირი დააკავეს, საიდანაც 68 ხელწერილის საფუძველზე გაათავისუფლეს, 32 კი იზოლატორში რჩება - შსს განცხადებას ავრცელებს
