ავტორი:

"რაც მე და ტარიელი ერთად ვართ, მისთვის არ მიღალატია... დანარჩენებს დედა ვუტირე" - რას ჰყვება ია ფარულავა ქმრებზე

"რაც მე და ტარიელი ერთად ვართ, მისთვის არ მიღალატია... დანარჩენებს დედა ვუტირე" - რას ჰყვება ია ფარულავა ქმრებზე

მსახიობი და ტელესახე ია ფარულავა, ტელეკომპანია "იმედის" ეთერში, გადაცემაში "ნოესთან" იმყოფებოდა, სადაც ქმრებზე და მათთან ურთიერთობაზე ისაუბრა:

"ვამბობ, რომ ოთხნახევარი ქმარი მყავდა. ნახევარი როგორ არის, იცი? საქმრო რომ იყო და ცოლად რომ არ გავყევი...

პირველი ქმარი იყო, რამაზ ჩანტლაძე, არქიტექტორი, მხატვარი. 17 წლის, პირველ კურსზე გავთხოვდი. ეჭვიანი, სიმპათიური, ძალიან თანამედროვე, ძალიან კარგი "სასტავიდან", მაგრამ ბიჭი აღმოჩნდა პათოლოგიურად ეჭვიანი და ოჯახმა გამომიცხადა: ჩვენ უნდა გამოვიტანოთ თეატრალური ინსტიტუტიდან საბუთები და შევიტანოთ სამედიცინოზე. ეს იყო საშინელება, მე დამეწყო პროტესტი, რომელიც ექვსი თვე გაგრძელდა. ეს იყო ძალიან ეჭვიანი ადამიანი, ვჩხუბობდით, ვცემდით ერთმანეთს, ისიც მცემდა, მეც ვურტყამდი, ვლეწავდით... ვერ ვეუბნებოდი ჩემს მშობლებს, მრცხვენოდა რომ ეს გამემხილა... მეც ვურტყამდი, ჩაგრული გოგო კი არ ვიყავი. მე ბიჭივით გაზრდილი გოგო ვარ, ძმებმა გამზარდეს, მაგრამ ის ჩემზე ძლიერი ხომ იყო. მახსოვს, ერთხელ ქუჩაში მომდევდა, იტალიურ ეზოში შევედი, დავაკაკუნე, მიშველეთ, მკლავენ მეთქი და კარი არ გამიღეს...

"ფესვებში" რომ გადავიღე, ჩუმად წავედი გადაღებაზე. მაინც რევოლუციონერი გოგო ვიყავი. ღამე რატომ არის "ფესვების" ის სცენა? იმიტომ რომ ღამით ვიპარებოდი, ვეუბნებოდი, დედაჩემთან მივდვივარ-მეთქი და მერე ეს ფილმი რომ გამოვიდა, გაგიჟდა.

ია ფარულავა და რამაზ ჩანტლაძე

მეორე ქმარი ამერიკელი მწერალი, ჟურნალისტი ქის რეიზერი, რომელსაც ჰქონდა ასკეტური ტიპის ცხოვრება, რომელიც ჩამოვიდა საქართველოში, შეუყვარდა საქართველო, რომ ნახა ქართული კულტურა, იყო ჯაზის სპეციალისტი, მერე წავედით საქართველოში, გვინდოდა აქ ჩამოსვლა, ომი იყო, ვერ ჩამოვედით, ვერ გავუგეთ ერთმანეთს და მე წავედი ლოს ანჯელესში...

მერე მოდის ორნახევარი - დოქტორ სელცერი, რომელიც იყო ძალიან მაგარი ექიმი, დერმატოლოგი. ყველაზე მეტად იმიტომ გამაოცა ამ ადამიანმა, როცა გამიცნო მითხრა,: - მე მაქვს ნანახი: "მიფრინავენ წეროები"... ძალიან კარგი ადამიანი აღმოჩნდა, პირველად შემოვიდა ამერიკაში ბოტოქსი, ერთ-ერთი პირველი ვარ, ვინც 29 წლის ასაკში ბოტოქსი გაიკეთა.

სამნახევარი ჩვენი ფადი... მემგონი, მეშლება ეს იქეთ ჩასვი... მე მეშლება სამნახევარი ქმარი მყავდა, ოთხნახევარი თუ ხუთნახევარი. მე და ფადი ვიყავით საუკეთესო წყვილი და დღემდე მისტირიან ამ წყვილს. ეგეთი თვისება მაქვს, რაღაცებს ვბლოკავ და აღარ განვიცდი. უფრო ის განვიცადე, მანქანა რომ წაიყვანა, დავრჩი უმანქანოდ. მათხოვა და მერე უკან წაიყვანა. მე სხვა დეტალები მეწყინა... ფადი ყოველთვის ხელგაშლილი ადამიანი იყო, გული მწყდება იმაზე, რომ ფადიმ არასდროს წამიყვანა ლიბანში და ის გოგო წაიყვანა, ჩემს მერე ვისთანაც ჰქონდა ურთიერთობა. მე და ფადი ვმეგობრობთ, თვეში ერთხელ გვაქვს ლანჩი და ის მიყვება თავის ამბავს, მე ვუყვები ჩემს ამბავს. ჩემს მერე ჰქონდა ერთი რომანი, მერე ჰქონდა ძალინ მძიმე რომანი, განიცდიდა და ამაზეც ვსაუბრობდით. მოკლედ, ჩვენ კარგი მეგობრები ვართ.

მე და ტარიელი ერთად ვართ უკვე მერვე წელია. ტარიელი არის ყველაზე დიდი საჩუქარი, რომელიც მე ღმერთმა მაჩუქა. ეს არის ძალიან ღირსეული ბიჭი. ტარიელი არის ჩემი ენერგეტიკული ფარი. მერვე წელია, რაც მე და ტარიელი ერთად ვართ, მე მისთვის არ მიღალატია, სხვა კაცთან არ ვყოფილვარ, დანარჩენებს დედა ვუტირე".