"ახლა დაუძახეთ, აბა, გახარიას "დარტანიანი"... აღარ არის ახლა მოდაში" - ზურაბ ჯაფარიძე თენგიზ ცერცვაძეს

"ახლა დაუძახეთ, აბა, გახარიას "დარტანიანი" და კარგი კრიზისმენეჯერი. აღარ არის ახლა მოდაში" - ასე მიმართა პარტია "გირჩი - მეტი თავისუფლების" თავმჯდომარემ ზურა ჯაფარიძემ თბილისის ინფექციური საავადმყოფოს გენერალურ დირექტორს თენგიზ ცერცვაძეს "დღის კურიერის" ეთერში.

მან ცერცვაძეს საკუთარი განცხადებები შეახსენა და აღნიშნა, რომ ბევრ რამეზე პასუხისმგებლები ცერცვაძე-გამყრელიძე-იმნაძე იყვნენ.

"ექიმი ბრძანდებით და მადლობა ყველაფრისთვის, რასაც აკეთებთ, მაგრამ ეს ხომ არ ნიშნავს იმას, რომ სხვა თქვენი განცხადებების შედეგები დაივიწყოთ და თქვათ, რომ მე ამაზე ფორმალური პასუხისმგებელი არ ვარ. აბა ვინ არის? თქვენ 3 ადამიანი იყავით, ვინც დაუკვეთეთ, საბოლოო ჯამში და მერე გააპრავეთ ეს ყველაფერი. გახარიას კიდევ დარტანიანს ეძახდით, საუკეთესო კრიზისმენეჯერიაო. ახლა დაუძახეთ, აბა, გახარიას "დარტანიანი" და კარგი კრიზისმენეჯერი. აღარ არის ახლა მოდაში," - მიმართა "დღის კურიერის" ეთერში ზურა ჯაფარიძემ თენგიზ ცერცვაძეს.