"ერთი თვე კლინიკაში იმყოფებოდა..." - ჩოხატაურის საკათედრო ტაძრის წინამძღვარი კორონავირუსით გარდაიცვალა

ჩოხატაურის საკათედრო ტაძრის წინამძღვარი, დეკანოზი თომა სიხარულიძე კორონავირუსით გარდაიცვალა.

როგორც "ინტერპრესნიუსს" შემოქმედის ეპარქიის პრესსამსახურის ხელმძღვანელმა, მამა ბასილ გოგოტიშვილმა განუცხადა, დეკანოზს კორონავირუსი დაახლოებით 40 დღის წინ დაუდასტურდა, რის შემდეგაც ფილტვებთან დაკავშირებული პრობლემა შეექმნა.

"ერთი თვის განმავლობაში კლინიკაში იმყოფებოდა, ჯერ ჩოხატაურში, შემდეგ ბათუმსა და თბილისში. სამწუხაროდ, მისი გადარჩენა ვერ მოხერხდა და გუშინ გარდაიცვალა",- განაცხადა მამა ბასილ გოგოტიშვილმა.