"ბატონი გახარიას შეხვედრა სააკავშილთან პრიმიტიული ტყუილია" - რას წერს ანა ბუჩუკური გავრცელებულ ინფორმაციაზე?

პარტია "საქართველოსთვის" წევრი ანა ბუჩუკური მედიაში გასულ ინფორმაციას ეხმაურება, რომლის თანახმად აშშ-ში გიორგი გახარია და მიხეილ სააკაშვილი ერთმანეთს შეხვდნენ.

როგორც ბუჩუკური სოციალურ ქსელში წერს, აღნიშნული ინფორმაცია "პრიმიტიური ტყუილია".

"მორიგი პრიმიტიული ტყუილი მმართველი პარტიისგან. ბატონი გახარიას შეხვედრა სააკავშილთან არის აბსოლუტური ტყუილი და ძალიან სამწუხაროა, რომ ასეთი ტყუილების ტირაჟირებას ზოგიერთი მედიასაშუალება ხელს უწყობს!" - წერს ბუჩუკური.

ცნობისთვის, "რუსთავი 2"-მა გაავრცელა ინფორმაცია, რომ გიორგი გახარიასა და მიხეილ სააკაშვილს შორის, შეერთებულ შტატებში, კონსპირაციული შეხვედრა შედგა. ტელეკომპანიის ცნობით, შეერთებულ შტატებში "ნაციონალური მოძრაობისა" და პარტია "საქართველოსთვის" დელეგაციები ერთ სასტუმროში იმყოფებოდნენ.