"არ მითქვამს, რომ ლევანი მოწამლულია ან მოწამლეს" - რას ამბობენ ლევან ვასაძის ჯანმრთელობის მდგომარეობაზე მისი მეგობრები?
როგორც ცნობილი გახდა, ერი-ს ლიდერი, ბიზნესმენი ლევან ვასაძე ჯანმრთელობის პრობლემების გამო თურქეთის კლინიკაშია გადაყვანილი. ამის შესახებ ინფორმაცია ვასაძის თანაგუნდელმა სოსო მანჯავიძემ დაადასტურა.
მან ამის თაობაზე "ტვ პირველის“ ეთერში ისაუბრა. ambebi.ge შეეცადა მეტი ინფორმაცია მოეპოვებინა მისი მეგობრებისგან.
"ლევანი ნამდვილად შეუძლოდ არის, თურქეთშია და იქ გადის მკურნალობის კურსს. დიაგნოზი ექიმებს ჯერ არ დაუსვამთ“, - გვითხრა პოლიტიკოსმა ხათუნა ხოფერიამ.
სოსო მანჯავიძემ კი განაცხადა:
"არ მითქვამს, რომ ლევანი მოწამლულია, ან მოწამლეს. სამწუხაროდ, "ტვ პირველს“ ვუთხარი, რომ თეორიულად არაფრის გამორიცხვა შეიძლება, მეტეორიტი რომ დამეცეს თავში, ეგეც არაა გამორიცხული, მაგრამ ასეთი ვარაუდის გამოთქმა წარმოუდგენელია-მეთქი. მათ კი თქვეს, მანჯავიძე არ გამორიცხავს, რომ ვასაძე მოწამლულიაო. ეს დასკვნა გამოიტანეს ჩემი ამ ნათქვამიდან. ლევანი არ არის კარგად - გულის უკმარისობა აქვს, ვერ სუნთქავს კარგად და აღენიშნება ტონუსის მკვეთრი დაცემა. ის სტამბოლის ერთ-ერთ დიაგნოსტიკურ ცენტრშია მოთავსებული, იქ იკვლევენ და მკურნალობენ. ექიმებს დიაგნოზი ჯერ არ დაუსვამთ.“
კორონავირუსით დეკანოზი იოსებ ზაქარიაძე გარდაიცვალა
"მინდა ვთქვა, რომ ბ-ნი ზურაბი ულაპარაკოდ ანგარიშგასაწევი ექსპერტია, მაგრამ... არა ხართ მართალი ბატონო ზურაბ!" - რა მიმართვას უგზავნის ცერცვაძე ჭიაბერაშვილს
