"აღსრულდა სამართალი... დავრჩი აბსოლუტურად უსახლკაროდ!" - რატომ დაკარგა ბესო ზანგურმა საცხოვრებელი და რას წერს მსახიობი "ფეისბუქზე"?
ბესო ზანგურისთვის 2021 საკმაოდ მძიმედ დაიწყო. ორი თვის წინ ყოფილმა ცოლმა ნინუცა მაყაშვილმა ძალადობაში დაადანაშაულა, რის შემდეგაც მსახიობი რუსთაველის თეატრში ყველა როლიდან მოხსნეს. ამჯერად კი სოციალურ ქსელში წერს, რომ ბინა დაკარგა.
"თავს ვთვლი ვალდებულად, რომ ჩაგაყენოთ საქმის კურსში, ვინაიდან ბევრი დახმარება და გვერდზე დგომა დამანახეთ, რისთვისაც უსაზღვროდ მადლიერი ვარ... დღეს დასრულდა და აღსრულდა სამართალი, ისევე როგორც ბევრს დაემართა ამ ქვეყანაში, დიახ მეგობრებო დავკარგე ყველაფერი...
მიუხედავად ყველაფრისა და არ მაქვს ბევრი ახსნის თავი და ნერვები და გთხოვთ ნურც კომენტარში დამისვამთ კითხვებს, დღეს დავრჩი აბსოლუტურად და სრული ამ სიტყვის მნიშვნელობით უსახლკაროდ!!! გპირდებით ყველაფერი კარგად იქნება, რა იმედით გპირდებით არ ვიცი მაგრამ გპირდებით! სულ ესაა" - წერს ზანგური.
მოგვიანებით კი სტატუსის კომენტარებში დაწერა, რომ ბინა შარშანწინაც დაკარგა, ოღონდ მაშინ თბილისში. მსახიობი ჯერ კიდევ 2020 წლის ოქტომბერში წერდა, რომ აგარაკი კერძო იპოთეკართან ჰქონდა ჩადებული და გამოსახლების პროცესი უკვე დაწყებული იყო.
ფული კი იმიტომ დასჭირდა, რომ დედას მძიმე ავადმყოფობის გადატანის შემდეგ რეაბილიტაცია გაევლო. მაშინ ბესო ზანგური იმედოვნებდა, რომ აგარაკს გაყიდიდა და თანხის ნაწილით რაც დარჩებოდა ბინის შეძენას შეძლებდა.
თუმცა როგორც მისი ბოლო სტატუსიდან გავარკვიეთ, აგარაკის გადარჩენა ვერ მოახერხა. ბესო ზანგური დედასთან, მეოთხე ცოლთან და სამ შვილთან ერთად ცხოვრობს.