ვარშავაში გაუჩინარებული 24 წლის ახალგაზრდა გარდაცვლილი იპოვეს

ვარშავაში გაუჩინარებული 24 წლის დიტო ხელხელაური გარდაცვლილი იპოვეს. თითქმის 10-დღიანი ძებნის შემდეგ ახალგაზრდის ცხედარს, ქალაქ ვარშავასთან ახლოს ტბაში მიაკვლიეს. ინფორმაციას ადასტურებენ საქართველოში მყოფი მისი ნათესავები.

ცნობისთვის, დიტო ხელხელაური რამდენიმე წელია პოლონეთში სამუშაოდ იმყოფებოდა. 12 ივნისს ოჯახმა პოლონეთის პოლიციას აცნობა მისი გაუჩინარების შესახებ.

თავდაპირველად სამძებრო სამუშაოებში ახლობლები და ნათესავი იყვნენ ჩართული, თუმცა ერთ-ერთი ადგილობრივი ჩვენების საფუძველზე სამძებრო ღონისძიებაში 180 მყვინთავი ჩაერთო.

24 წლის დიტო ხელხელაური წარმოშობით, თელავის მუნიციპალიტეტის სოფელ კონდოლიდან არის. საქართველოში გადმოსვენებასთან დაკავშირებით, ოჯახს ოფიციალური უწყებისთვის ჯერ არ მიუმართავს.