ირაკლი ღარიბაშვილი ოპონენტებს - გამოვიყვანთ გახელაძეს, ბებუას და ყველას! ეს არის ჩემი პასუხი!
გამოვიყვანთ ბატონ გახელაძეს, ბებუას და ყველას! ეს არის ჩემი პასუხი!-ამის შესახებ საქართველოს პრემიერ-მინისტრმა ირაკლი ღარიბაშვილმა პლენარულ სხდომაზე განაცხადა.
როგორც პრემიერმა აღნიშნა, ყველა დონეზე აქტიურად მიმდინარეობს მუშაობა საქართველოს მოქალაქეების გასათავისუფლებლად.
„მაქსიმალურად ვმუშაობთ ყველა დონეზე. ძალიან აქტიურია საგარეო საქმეთა მინისტრი და ყველა სამსახური. გამოვიყვანთ ბატონ გახელაძეს, ბებუას და ყველას! ეს არის ჩემი პასუხი! ახლა რომ ვითომ გული შეგტკივათ სამხედროების ყოფაზე, როგორ მდგომარეობაში გყავდათ სამხედროები? - შიშის და ზეწოლის ქვეშ. გნებავთ სამხედროები და გნებავთ ოფიცრები, პოლიციელები, ყველა! მიატოვეს, როგორც ჩვენი სამხედროები და მათი პატიოსანი ცხედრები, ასევე ჩვენი ოფიცრები უმძიმეს პირობებში. 20 კაცი რომ ჩატოვეთ, ამაზე რატომ არ საუბრობდით? ამაზე მიპასუხეთ! 2008-დან 2012 წლამდე რატომ არ საუბრობდით ამაზე სადმე? გენერალი ჩაჩიბაია იყო სამოქალაქო ფორმით შესული პატრიარქთან ერთად და სწორედ მან გამოიყვანა ცხედრები. თქვენ იყავით სადღაც გაქცეულები. აგერ არის გენერალი, კითხეთ და გაგცემთ პასუხს. ის, როგორც პატრიარქის ნდობით აღჭურვილი პირი ისე შევიდა საპატრიარქოს წარმომადგენლებთან ერთად“, - განაცხადა ღარიბაშვილმა.
ღარიბაშვილის ამ განცხადებას „ნაციონალური მოძრაობის“ წევრების მხრიდან დარბაზში ხმაური მოჰყვა. პარლამენტის თავმჯდომარემ მათ დამშვიდებისკენ რამდენჯერმე მოუწოდა.
"ბრიტანეთის ჯანდაცვის მინისტრი გადადგა, რადგან თანამშრომელს კოცნიდა, პანდემიისას წესები დაარღვია - ჩვენი მთავრობა როგორ იქცევა? გინდ გიკოცნიათ, გინდ "კომენდანტის საათი" დაგირღვევიათო" - გოცირიძე
"2024 წლისთვის საქართველო გეგმავს განაცხადი გააკეთოს ევროკავშირში წევრობაზე" - რა განცხადებას ავრცელებს საგარეო უწყება ასოცირების შეთანხმებიდან 7 წლის თავზე
