რას ყვება ვახტანგ გომელაური ურეკში მომხდარ ინციდენტზე
შინაგან საქმეთა მინისტრმა ვახტანგ გომელაურმა ურეკში ხანძრისას მომხდარი ინციდენტი ახსნა და ინფორმაცია თითქოს, სახანძრო მანქანებს წყალი არ ჰქონდათ, უარყო.
როგორც მან ფრაქცია „ლელო - პარტნიორობა საქართველოს“ წევრის ანა ნაცვლიშვილის კითხვას უპასუხა, ურეკში ხანძრისას 12 წუთში 8 სახანძრო მანქანა მუშაობდა და მათ ხანძარი უპრობლემოდ ჩააქრეს.
„ხანძარი მოხდა გუშინ ურეკში. ზუსტად 12 წუთში მუშობდა 8 სახანძრო მანქანა. უკვე ჩამქრალი იყო ხანძარი, როცა ერთ-ერთი მოსახლე მივიდა ნასვამ მდგომარეობაში, აყენებდა მეხანძრეებს შეურაცხყოფას. ის დააკავეს და განყოფილებაში გადაიყვანეს. მას შემდეგ მივიდნენ მისი მეგობრები, მეზობლები, ზოგი ნასვამი იყო, ზოგი ფხიზელი. პოლიციელებს მიაყენეს ფიზიკური და სიტყვიერი შეურაცხყოფა, მას შემდეგ მოხდა მათი დაკავებაც და არა ის, რომ ხანძარზე მივიდნენ და წყალი არ ჰქონდათ, ეს არის ფაქტი“, - განაცხადა გომელაურმა.
ცნობისთვის, ანა ნაცვლიშვილის ინფორმაციით, ურეკში ხანძრისას მისულ სახანძროს წყალი არ ჰქონდა, რის გამოც მოქალაქეები პოლიციაში შეიჭრნენ და ფიზიკურ დაპირისპირებას ჰქონდა ადგილი.
"იქნება აქციები, არ გავჩერდებით" - ურეკში პოლიციელებზე თავდასხმის საქმეზე დაკავებული 13 პირის ოჯახის ახლობლებმა მაგისტრალი გადაკეტეს, რასაც ხმაური მოჰყვა
ურეკში პოლიციელებზე თავდასხმის საქმეზე დაკავებულ 13 პირს პატიმრობა შეეფარდა
