"მე მომეჩვენა, რომ ბატონი ბიძინა ჩემი კაბინეტის რამდენიმე მინისტრს მართავდა" - გიორგი გახარია

პარტია "საქართველოსთვის“ ლიდერის, ყოფილი პრემიერ-მინისტრის გიორგი გახარიას თქმით, მას "მოეჩვენა", რომ ბიძინა ივანიშვილი მისი კაბინეტის რამდენიმე მინისტრს მართავდა. აღნიშნულის შესახებ გახარიამ "ამერიკის ხმასთან" ინტერვიუში ისაუბრა.

"მე მომეჩვენა, რომ ბატონი ბიძინა, იმ მომენტში, ჩემი კაბინეტის რამდენიმე მინისტრს მართავდა, მათ რაღაც გარკვეულ დავალებებს აძლევდა“, - აცხადებს გახარია.

მანვე უპასუხა კითხვას არაფორმალურ მმართველობასთან დაკავშირებით და აღნიშნა, რომ ქვეყანაში არაფორმალური გავლენების პრობლემა არსებობს.

"რა თქმა უნდა, გავლენების პრობლემა ქვეყანაში გვაქვს, არაფორმალური გავლენების ჯგუფების პრობლემა ქვეყანაში არის და ეს ფაქტია. დღეს, და წლებია უკვე, ბიძინა ივანიშვილი ყველაზე გავლენიანი ადამიანია“, - განაცხადა გიორგი გახარიამ.