"გვეუბნებიან, რატომ რჩებიან სასამართლოში მურუსიძე და სხვები - უკაცრავად, თქვენ, ამ მძიმე წარსულის შემოქმედები, რატომ რჩებით პოლიტიკაში დღეს?!" - პრემიერი "ნაცმოძრაობაზე"

დღეს ეს ადამიანები გვეუბნებიან, რატომ რჩებიან სასამართლოში ბატონი მურუსიძე და სხვები - უკაცრავად, მოგმართავთ “ნაციონალური მოძრაობის“ წარმომადგენლებს: - თქვენ, ამ მძიმე წარსულის შემოქმედები, რატომ რჩებით პოლიტიკაში დღეს?! - ეს განცხადება პრემიერ-მინისტრმა ირაკლი ღარიბაშვილმა პარლამენტის ტრიბუნიდან გააკეთა.

როგორც ღარიბაშვილმა აღნიშნა, წლების განმავლობაში, წინა ხელისუფლების დროს ხდებოდა მოქალაქეების მუდმივი ჩაგვრა, წამება, ტერორი და არაადამიანური მოპყრობა ციხეში თუ ციხის გარეთ.

“ქართულ ოცნებას“ უმძიმესი მემკვიდრეობა გვერგო. აღარაფერს ვსაუბრობ ადამიანის უფლებებზე, მედია-თავისუფლებზე. ჩვენ იმ სასამართლოს დამოუკიდებლობაზე გვესაუბრებიან, რომელიც 2012 წლამდე პროკურატურის დანაყოფი იყო - მოსამართლე იმას გააკეთებდა, რასაც პროკურორი ეტყოდა“, - განაცხადა ირაკლი ღარიბაშვილმა.